მოგესალმებით თსუ ამხანაგობა „ბაგები 502-ის“ წევრებო,
სამი კვირა გავიდა წინა ფოტოების გამოქვეყნებიდან, რადგან სხვადასხვა მიზეზით ვერ მოხერხდა ზუსტად 15 რიცხვში ფოტოების გამოქვეყნება.
შესაბამისად, ამ თვის ბოლოს გამოქვეყნებული ფოროები იქნება უფრო მოკრძალებული, შედეგის თვალსაზრისით.
ამასობაში არჩევნებიც ჩატარდება. შეიძლება ითქვას, რომ ამ საარჩევნო კამპანიის დროს უფრო წყნარად ვართ ჩვენც.
თუმცა ასე არ იყო 3 წლის წინ ადგილობრივი თვითმმართველობის არჩევნების დროს. თითქმის ყველა ოპოზიციური პარტია, # 5-ის მეთაურობით ჩვენ წინააღმდეგ გამოდიოდა. ზეწოლა და აგრესია იყო ჩვენი მშენებლობის მიმართ,
გაიხსენეთ ალეკო ელისაშვილი, რომელსაც წინასაარჩევნო სარეკლამო რგოლში ჩართული ჰქონდა ჩვენი მშენებლობის ვიდეო კადრები ლოზუნგით _ გვაბეტონებენ!
გაიხსენეთ შეჩერებული მშენებლობა ნაციონალური და სხვა ნათესავი მოძრაობის აქტივისტების სარჩელების, ასევე, რამდენიმე არასამთავრობო ორგანიზაციის საჩივრების გამო. მშენებლობა გაგრძელდა ამ საჩივრების განხილვის და ჩვენი გამარჯვების შემდეგ. იყო ზეპირი თუ სატელეფონო მუქარებიც!
გაიხსენეთ „ლელოს“ აქციები უშუალოდ ჩვენ მშენებლობაზე, რის გამო ჩვენც ვაპირებდით კონტრაქციის ჩატარებას თსუ პირველი კორპუსის ეზოში, თუმცა „ლელოს“ ერთ-ერთი ლიდერის მიერ ს.ჯორბენაძისათვის ბოდიშის მოხდის შემდეგ შეწყდა ეს დაპირისპირება.
გაიხსენეთ ტელეკომპანია „ფორმულას“ ტენდენციური და სრულ ტყუილებზე დამყარებული გადაცემები.
ამ გადაცემებთან დაკავშირებით, ამხანაგობის თავმჯდომარემ უჩივლა ტელეკომპანია „ფორმულას“ ჟურნალისტური ეთიკის ქარტიაში. ქარტიის 2022 წლის 17 იანვრის გადაწყვეტილებით, ტელეკომპანია და ჟურნალისტი თაკო ნოზაძე ცნეს ეთიკის ქარტიის პირველი პრინციპის დარღვევაში.
გაიხსენეთ, როგორ ორგანიზებულად მოქმედებდნენ და დაგვიპირისპირეს ყიფშიძის ქუჩის მოსახლეობა. შექმნეს საიტი, ბეჭდავდნენ ფერად სტიკერებს და აკრავდნენ სადარბაზოებში, ლიფტებში, მეგაფონით დადიოდნენ და მოუწოდებდნენ ხალს გამოსულიყვნენ ჩვენ წინააღმდეგ და ა. შ.
ყიფშიძის მაცხოვრებლებთან შეხვედრაზე თითქმის ფიზიკურ შეხლა-შემოხლამდე მივიდა საქმე.
ყველაფერ ამას ვიტანდით. ვიტანდით, იმიტომ, რომ ვიცოდით და დარწმუნებულები ვიყავით ჩვენ სიმართლეში და შეუძლებელი იყო ამ პარტიების, თუ ორგანიზაციების გამარჯვება. მათ უკან ვინ იდგა და ვის ჰქონდა თვალი დადგმული ჩვენ ტერიტორიაზე ეს ჯერაც უცნობია.
თითქმის ანალოგიური სიტუაცია იყო წინა საპარლამენტო არჩევნების დროსაც.
ამის შემდეგ მძიმე მდგომარეობა შეიქმნა 2022 წელს, როდესაც იგივენი მოითხოვდნენ უკრაინის პარალელური ფრონტის გახსნას.
ამჟამად სასიამოვნო სიწყნარეა.
წლების მანძილზე მშენებლობის უიღბლობის მაგივრად ვართ იღბლიან პერიოდში.
იმედია იქნება სიმშვიდე და დავამთავრებთ მრავალტანჯულ სახლს, რომლის მშენებლობა დაწყებულია 1978 წელს.
გთავაზობთ დღევანდელ ფოტოებს.
პირველ („მ“), მე-2 („ლ“) და მე-3 („კ“) სადარბაზოებისთვის მთლიანად დასრულდა მე-9 და დასრულების სტადიაზეა, თითქმის ბოლომდე მისული გაერთიანებული მე-10-მე-11 სართულის (ღია ტერასა) ყალიბების გაკეთება.
ამავე სადარბაზოებისთღვის, ქვედა სართულებიდან, პარალელურად მიმდინარეობს აივნებისა და შიდა ტიხრების ამოშენება:
მე-4 („ი“), მე-5 („თ“) და მე-6 („ზ“) სადარბაზიებისთვის კვლავ შიდა სამუშაოები მიმდინარეობს:
ანალოგიური მდგომარეობაა მე-10 („გ“), კომერციულ („ბ“) და მე-11 („ა“) სადარბაზოებისთვის:
მე-7 („ვ“), მე-8 („ე“) და მე-9 („დ“) სადარბაზოებისთვის მთლიანად დასრულდა საცხოვრებელი მე-7 სართულის და დაიწყო მე-8 სართულის მშენებლობა:
ხედი „კარფურის“ მხრიდან:
ხედი ყიფშიძის ქუჩის მხრიდან:
