მოგესალმებით ყველას,

დღეს დაიწყო სასამართლო პროცესი ქეთევან ჭანუყვაძესთან.

ჩვენმა მხარემ (ადვოკატი ხათუნა გრიგალაშვილი) დააყენა შუამდგომლობა, რომ არ უნდა იქნეს განხილული ჭანუყვაძის მიერ წარმოდგენილი ხელშეკრულება, რადგან მასში გადაკეთებულია თანხა, ხანდაზმულია და ა.შ.; შესაბამისად, მიგვაჩნია, რომ ეს დოკუმენტი ყალბია. 

სიყალბის დასადგენად საჭიროა ექსპერტიზაზე გადაცემა, მაგრამ ექსპერტიზა არ ტარდება ასლზე. საჭიროა დედნის წარმოდგენა. დედანი კი, ჭანუყვაძეს არ აქვს. მისმა ადვოკატმა განაცხადა, რომ მიმართეს კერძო ექსპერტ გეჯაძეს და მოიტანენ დასკვნას, რომ ხელშეკრულებას ხელს აწერს თ.ჩარკვიანი.

ამაზე, მოსამართლემ სწორი შენიშვნა მისცა, რომ თუ ამ დასკვნას მოიტანენ, ეს იქნება ხელმოწერის ნამდვილობის და არა ხელშეკრულების ნამდვილობის დადასტურება.

მოკლედ, სასამართლოს მოსამზადებელი სხდომა გადაიდო. თარიღი მოგვიანებით გვეცოდინება.

სასამართლოზე მობრძანდა დაახლოებით 15 ადამიანი. მოსამართლესაც გაუკვირდა, რადგან არ ელოდა ხალხის დასწრება. თქვენი მოსვლა ჩვენი ერთობლივი საქმიანობის ერთსულოვნების დადასტურებაა, რაც დადებითად აღიქმება.

ამხანაგობის ყველა წევრის წარმომადგენელია სანდრო ჯორბენაძე, ხოლო ადვოკატი _ ხათუნა გრიგალაშვილი. აქედან გამომდინარე უცნაური იყო ამხანაგობის წევრის შოთა ძნელაძის მემკვიდრეების მიერ მათ წარმომადგენლად თ.ილიაშვილის გამოგზავნა, ნოტარიულად დამოწმებული რწმუნებით. ილიაშვილმა დაგვიწყო ჩხუბი, ყვიროდა და ილანძღებოდა. იმასაც ვერ მიხვდა, რომ ამ დავაში მოპასუხეს წარმოადგენდა ბაგების „ამხანაგობა 504“, რომელსაც უჩივლა ჭანუყვაძემ. არ დაგვიჯერა და მოსამართლეს გადასცა რწმუნება, თუმცა მოსამართლემ უკან გადმოუგდო.

ძნელაძეების ქმედება გასაკვირია იმიტომაც, რომ თ.ილიაშვილი აპირებს გვიჩივლოს სუყველას. ასეთი ადამიანისთვის რწმუნების გადაცემა ცოტათი უხერხული მაინცაა.

ერთი კარგი სიახლე. ჩვენ სხვამაც გვიჩივლა _ ჩანქსელიანმა, რომელმაც ამხანაგობის მთელ ქონებას დაადო ყადაღა. ჩვენი საჩივარი დაკმაყოფილდა და შემცირდა ადეკვატურ ფართამდე. ინვესტორთან ჩვენი თხოვნისა და მოლაპარაკებების შედეგად დაყადაღებული ეს ფართი ინვესტორისაა. მადლობა მათ ამ დროებით ღონისძიებაზე თანხმობისთვის.

ბოლო ინფორმაცია: ძნელაძეებთან სატელეფონო საუბრის შემდეგ აღმოცნდა, რომ ეს რწმუნება მათ მიუციათ რამდენიმე წლის წინ ს.ჯორბენაძის საწინააღმდეგოდ დავის წამოწყებისთვის. მაშინ რამდენიმე ადამიანმა მას მისცა რწმუნება ( სავარაუდოდ უვადოთ). თუ წლების შემდეგ ძნელაძეების რწმუნებას იყენებს, ასევე შეიძლება სხვების რწმუნებაც გამოიყენოს თავისი ინტერესებისთვის _ თქვენი სახელით. რჩევა იქნება გაუუქმეთ რწმუნება.