მოგესალმებით ყველას,

ძალიან სასიამოვნოა, რომ ვიწყებთ იგივე ტექსტით, ოღონდ სართულის მომატებით, რაც იმას ნიშნავს, რომ ბოლო 2 კვირაში კიდევ ერთი სართული აშენდა.

1-ლი („მ“), მე-2 („ლ“) და მე-3 („კ“) სადარბაზოებისთვის დამთავრდა მე-6 საცხოვრებელი სართულის მშენებლობა და მიმდინარეობს მე-7 სართულის გადახურვისა და ბოძების ყალიბების მონტაჟი:

მე-4 („ი“), მე-5 („თ“) და მე-6 („ზ“) სადარბაზოებისთვის მიმდინარეობს შიდა სამუშაოები და გარე ფასადზე ფერადი მინის დასამაგრებელი პანელების მიმაგრება:

კიდევ 1 სართული აშენდა მე-7 („ვ“), მე-8 („ე“) და მე-9 („დ“) სადარბაზოებისთვის _ დამთავრდა მე-2 საცხოვრებელი და დაიწყო მე-3 საცხოვრებელი სართულის მშენებლობა:

ბოლო სამი სადარბაზოსთვისაც შიდა სამუშაოები მიმდინარეობს:

ხედი ყიფშიძის ქუჩიდან:

ხედი აბულაძის ქუჩიდან:

ხშირია ამხანაგობის წევრთა კითხვები სასამართლო პროცესებთან დაკავშირებით. აქ ასეთი მდგომარეობაა:

1. გ.ძასოხოვთან დაკავშირებით ჯერ არაფერია სიახლე. იმედია მოსამართლეების შვებულებაში გასვლამდე გადაწყდება დასაშვებობის საკითხი უზენაეს სასამართლოში.

2. მეორე პროცესი გვაქვს თამარ ჩანქსელიანთან.

3. მესამე _ პროფ. ჭანუყვაძის მემკვიდრესთან.

4. მეოთხე _ აფხაძესთან (სულ რამდენიმე დღეა, რაც გვიჩივლა), რომელიც ითხოვს 10 კვადრატულ მეტრს, რასაც, მისივე მოთხოვნით, ამხანაგობის წინა გამგეობა დაპირებია.