ყადაღისა და პროცესის შესახებ
ხაშურის რაიონულმა სასამართლომ სებაჰათთინ ილდიზის მოთხოვნილი ყადაღა ჩვენ ქონებაზე არ მოხსნა.
ყადაღის მოხსნის საჩივარი გადაგზავნილია თბილისის სააპელაციო სასამართლოში.
კიდევ ერთხელ შეგახსენებთ, რომ
ჩაინიშნა სასამართლო სხდომა მანანა აფხაძის სარჩელთან დაკავშირებით _
თბილისის საქალაქო სასამართლო, 3 დეკემბერი, სამშაბათი, 13:00 საათი, დარბაზი # 54.
ბინის რეგისტრაციამდე და რემონტამდე ეს სასამართლო დავებია მოსაგები.
ამიტომ გელით!
მოგესალმებით ყველას,
გთავაზობთ უზენაესი სასამართლოს განჩინების სარეზოლუციო ნაწილის (ე.ი. შედეგის) ტექსტს.
კიდევ ერთხელ გილოცავთ გამარჯვებას!
გულდასაწყვეტია, მხოლოდ ის, რომ ქალბატონ ხათუნა გრიგალაშვილის ტიტანური შრომა, როგორც სამივე ინსტანციის სასამართლოში, ისე სასამართლოს გარეშე მასალების მოპოვებასა და დამუშავებაში სასამართლომ 1000 ლარით შეაფასა.
სარეზოლუციო ნაწილი გაგზავნილია ხაშურის სასამართლოში, რომელიც იხილავს თურქის მიერ ყადაღის დადებაზე ჩვენ საჩივარს.
კიდევ ერთხელ მოგესალმებით მეგობრებო,
ისევ გილოცავთ სასამართლოს სამართლიან გადაწყვეტილებას!
მადლობა ყველა იმას ვინც დაგვიჯერა და სწამდა, რომ ჩვენი პოზიცია სიმართლე იყო. თუმცა, სიმართლე ერთია და სიმართლის დასაბუთება მეორე.
დიდი მადლობა ქალბატონ ხათუნა გრიგალაშვილს გაწეული შრომისთვის, რომელსაც ამხანაგობის წევრებიდან ერთი თეთრიც კი არ მოუთხოვია. პირიქით, საკუთარ ფულს ხარჯავდა ამა თუ იმ დოკუმენტის ან ინფორმაციის მოსაპოვებლად. სასამართლომ კი, მიზერული თანხა დააკისრა ძასოხოვს ქალბატონი ხათუნას ასანაზღაურებლად.
განჩინების ტექსტი სასამართლოს ჯერ არ დაუწერია. რაც შეეხება სარეზოლუციო ნაწილს, შემდეგ კვირას გავუგზავნით ხაშურის სასამართლოს. იმედია, რომ მოხსნიან თურქის ყადაღას.
თუ ხაშურის სასამართლომ არ მოხსნა ყადაღა, მაშინ ყადაღის საქმეს განიხილავს სააპელაციო სასამართლო.
ვიმედოვნებთ, რომ ხაშურის მოსამართლე უარს არ იტყვის თავის პროფესიაზე და მოხსნის ყადაღას, რადგან თურქის სარჩელს არ ახლავს არავითარი მტკიცებულება. იმდენად უაზრო სარჩელია, რომ მესამე კურსელ (მე-6 სემესტრელ) სტუდენტსაც შეუძლია ამ საქმის გადაწყვეტა.
სასამართლოს სხვა პროცესებზე ჯერ სხდომის დღე ჩანიშნული არაა.
გთავაზობთ შაბათის (18.11.2024) ფოტოებს.
1-ელ-მე-3 („მ“-„კ“) (კიდევ ერთხელ შეგახსენებთ, რომ სადარბაზოების გადათვლა ხდება ბოლოდან _ „კ“-დან „ა“-კენ) სადარბაზოებისთვის დამთავრდა გაერთიანებული მე-10-მე-11 სართულის და თითქმის დამთავრების სტადიაზეა მე-12 საცხოვრებელი სართულის მშენებლობა:
მე-4-მე-6 („ი“-„ზ“) სადარბაზოებში გარდა შიდა სამუშაოებისა, მიმდინარეობს მეტალო-პლასტიკის კარ-ფანჯრების ჩასმა:
მე-7-მე-9 („ვ“-„დ“) სადარბაზოებისთვის დამთავრდა მე-9 და დაწყებულია გაერთიანებული მე-10 -მე-11 სართულის მშენებლობა:
რაკურსი „კარფურის“ მხრიდან:
მოგესალმებით მეგობრებო,
წარმოგიდგენთ დღევანდელ გადაღებულ ფოტოებს.
იქამდე ერთი არასასიამოვნო ფაქტი.
გოჩა ძასოხოვი ეტყობა ხვდება, რომ უზენაეს სასამართლოში ვერ მიაღწევს თავის არაკანონიერი მოთხოვნების დაკმაყოფილებას და მორიგი ბინძური გეგმა განახორციელა.
კერძოდ, მოელაპარაკა მის ბიზნესპარტნიორ თურქ სებაჰათთინ ილდიზს, რომელმაც ჩვენ და ძასოხოვს უჩივლა ხაშურის სასამართლოში.
ვითომ, მან ასესხა ძასოხოვს 1 მილიონი დოლარი, რომელიც ძასოხოვმა მოახმარა ჩვენი სახლის მშენებლობას. ძასოხოვმა ეს თანხა არ დაუბრუნა და ამჟამად ძასოხოვისგან და ჩვენგან ითხოვს: ამ თანხას + დამატებით სხვა თანხას, რაც ჯამში წარმოადგენს 3 750 000 $.
ეს სრული აბსურდია, რადგან თუ ძასოხოვს ასესხა ჩვენ რა შუაში ვართ?
აქედან გამომდინარე, სებაჰათთინ ილდიზმა მოითხოვა ყადაღის დადება ძასოხოვის საცხოვრებლებზე სოფელ გომბორში და სოფელ ზემო ლეთელში. ასევე, ჩვენ მშენებლობაზე და მიწაზე.
ცხადია, რომ ძასოვოვი ვირეშმაკობას მიმართავს და ვითომ არაფერ შუაშია. სინამდვილეში მარიონეტივით მართავს ამ თურქ ბიზნესმენს.
სამწუხაროდ სასამართლომ დაგვადო ყადაღა.
სარჩელი იმდენად აბსურდულია, რომ მესამე კურსელი სტუდენტიც კი მიხვდება, რომ დროის გასაჭიანურებლადაა მოგონილი და ჩვენ მიმართ არავითარი სამართლებრივი საფუძველი არ აქვთ.
თურქი ნამდვილად ვერ გაიმარჯვებს, მაგრამ ეს დროში გაიჭიმება.
1 კვირა გვაქვს შესაგებლის შესატანად, თუმცა ყადაღა როდის მოიხსნება ძნელი სათქმელია.
1-3 („მ“-„კ“) სადარბაზოებისთვის დამთავრდა გაერთიანებული (მე-10-მე-11) _ ღია ტერასის და დაიწყო მე-12 სართულის მშენებლობა:
.JPG)
.JPG)
მე-4-მე-6 („ი“-„ზ“) ისევ შიდა სამუშაოები მიმდინარეობს, რომელსაც გარედან ვერ ვამჩნევთ:
