ძვირფასო მეგობრებო,
ძალიან ბევრი ადამიანი მირეკავს და ითხოვს შვილზე ან შვილიშვილზე ბინის გადაფორმებას.
კიდევ ერთხელ განგიმარტავთ, რომ რაც საკუთრებაში ჯერ არაა თქვენზე იმას ვერ გადააფორმებთ სხვაზე. იქამდე, სანამ არ იქნება ბინა დარეგისტრირებული საჯარო რეესტრში გადაფორმება შეუძლებელია.
სხვა საკითხია ამხანაგობის წევრობა, მაგრამ წინა გამგეობამ ამხანაგობის წესდებაში ისეთი ცვლილებები შეიტანა, რომ საგადასახადო სამსახური, აგერ უკვე მეორე წელია ამხანაგობის წევრ აფციაურს არ უფორმებს ამხანაგობის წევრობას მის შვილიშვილზე.
საგადასახადომ რომც შეიყვანოს ამხანაგობის წევრად თქვენ მაგივრად რომელიმე მემკვიდრე, ის პროცედურა, რაც უნდა ჩატარდეს საჯარო რეესტრში მაინც გასაკეთებელი იქნება.
გასაგებია, რომ 42 წლის ლოდინის შემდეგ ყველას ერთი სურვილი აქვს დაარეგისტრიროს ბინა, მაგრამ იქონიეთ მოთმინება. ბინა რამდენიმე თვეში დარეგისტრირდება თქვენ სახელზე საჯარო რეესტრში და შემდეგ გადააფორმეთ ვისზეც გინდათ 51 ლარად.
ერთხელ ყველას აგიკრძალეთ სიკვდილი. მიუხედავად ამისა, სატელეფონო ზარები სწორედ ამხანაგობის წევრების ასაკსა და სავარაუდო სიკვდილს ეხება.
ძალიან არ მინდოდა ამაზე ლაპარაკი, მაგრამ ასეთი ზარები უსასრულოდ გრძელდება.
დიდი ბოდიშის მოხდით აგიხსნით შემდეგს:
1. დარეგისტრირებამდე გარდაცვალების შემთხვევაში, გარდაცვალებიდან 6 თვის შემდეგ იხსნება სამკვიდრო და კანონით მემკვიდრეობის (სამოქალაქო კოდექსის 1336-ე მუხლი) შესაბამისად მემკვიდრე იქნება პირველი რიგის მემკვიდრეები _ მეუღლე, შვილი, მშობელი, მშვილებელი. აქედან თუ ერთი დაუთმობს მეორეს, ის მეორე გახდება მესაკუთრე.
2. მეორე საშუალებაა ანდერძი (ანდერძით მემკვიდრეობა _ სამოქალაქო კოდექსის 1344-ე მუხლი), რომლის შესახებ ყველამ ყველაფერი იცით.
კიდევ ერთხელმინდა ბოდიში მოვიხადო ასეთი საუბრისთვის, მაგრამ მაიძულეთ.
მშენებლობა არაა საინფორმაციო გადაცემა, რომ ყოველ დღე იყოს ახალი ამბები.
ჩვენი „კოდალა“ ნისკარტდაუსვენებლად მუშაობს კვირაში 6 დღე და ანგრევს „ა“, „ბ“ და „გ“ კორპუსებს.
ეტყობა, კორონა ვირუსმა ბევრი ადამიანი გააზარმაცა და მხოლოდ ამ საიტიდან ელის ახალ ამბებს.
იქნებ მიბრძანდეთ და საკუთარი თვალით ნახოთ არსებული სიტუაცია, ხოლო ვინც მიხვედით და გარკვეული დაპირებები მიეცით დარაჯს და მუშებს, კეთი ინებეთ და შეასრულეთ.
გთავაზობთ დღევანდელ ფოტოებს, სადაც ნათლად ჩანს, რომ შენობის მონგრეული ნაწილი საკმაოდ დაშორდა მიწას. ისტორიული ფოტოა მუშის დაფიქსირებაც.
