ინფორმაცია სასამართლოდან
გუშინ ჩატარდა სასამართლო პროცესი ქეთევან ჭანუყვაძის სარჩელთან დაკავშირებით.
ქეთევანის ადვოკატები ცდილობენ მაქსიმალურად გააჭიანურონ პროცესი. გუშინდელ პროცესზე იმდენად გაჭიმეს კითხვა-პასუხის ეტაპი, რომ სასამართლოს მიერ გამოყოფილი დრო ამოიწურა.
ამის გამო პროცესი გადაიდო და გაგრძელდება პარასკევს, 20 ივნისის 15:00 საათზე (დარბაზი # 64, მოსამართლე ხათუნა კაკაბაძე).
ჭანუყვაძის ადვოკატები საქმის ისევ გაჭიანურებას ვეღარ შეძლებენ. რაც უნდოდათ, რაზეც ააგეს თავიანთი დაცვის სტრატეგია, უკვე თქვეს. მეტი სათქმელი არაფერი ავთ. შესაბამისად, პარასკევსვე უნდა დამთავრეს ეს დავა.
დიდი მადლობა იმ ადამიანებს რომლებიც ესწრებოდნენ ამ პროცესს. ბარემ 20 ივნისსაც შევიწუხოთ თავი და დავესწროთ პროცესს. 128 ოჯახიდან სამი-ოთხი ცხოვრობს რაიონში, დანარჩენი თბილისშია. რაიონიდან ჩამოსვლას არავის ვთხოვთ, მაგრამ თბილისში მაცხოვრებლები წესით დაინტერესებული უნდა იყვნენ.
მოგესალმებით ყველას,
პირველ რიგში შეგახსენებთ, რომ 16 ივნისს, ორშაბათს, 16:00 საათზე (დარბაზი # 64), მოსამართლე ხათუნა კაკაბაძესთან გვაქვს სასამართლო პროცესი ქეთევან ჭანუყვაძის სარჩელთან დაკავშირებით.
წესით ამავე სხდომაზე დამთავრდება საქმის განხილვა. ამიტომ ძალიან მნიშვნელოვანია თქვენი დასწრება.
ბინის რეგისტრაციასთან დაკავშირებით ყველა აქტიურობს და ერთი სული აქვთ დაარეგისტრირონ ბინა ეს ასეც იქნება, მაგრამ სასამართლო პროცესებიც თქვენ გეხებათ, რადგან წაგების შემთხვევაში ყველა გადაიხდის პროპორციულად.
რეგისტრაციასთან დაკავშირებით გვაქვს სიახლე.
რეგისტრაციას ვიწყებთ სექტემბრის მე-2 ნახევრიდან. ამიტომ, ამ დროისთვის უნდა იყოთ თბილისში და თან იქონიოთ სამკვიდროს, უფლების დათმობის, ჩუქების, ცესიის ხელშეკრულების ან უფლების გადაცემის სხვა დამადასტურებელი დოკუმენტის ნოტარიულად დამოწმებული დედნები.
ვისაც დედნები არ გაქვთ, ან არ აგიღიათ, ან დაკარგულია, ამ ხარვეზის გამოსასწორებლად გაქვთ 3 თვე. მოემზადეთ ამ დროისთვის და ეცადეთ, რომ 15 სექტემბრიდან იყოთ თბილისში ან საქართველოს სხვა დასახლებულ პუნქტში.
გთავაზობთ დღევანდელ ფოტოებს.
ყველა სადარბაზოსთვის მიმდინარეობს შიდა სამუშაოები, ამიტომ, გარედან მხოლოდ აივნების ამოშენება ჩანს.
ამ დღეებში დაიწყება 3 ამწიდან ერთის დემონტაჟი, რადგან საჭირო აღარაა.
1-ელ, მე-2 და მე-3 სადარბაზოს წინ, ეზოში გადაიხურა ავტოსადგომის 1-ლი სართული და დაიწყო მე-2 სართულის მშენებლობა:
ინფორმაცია სასამართლოდან
დღეს, 10 ივნისს შედგა სასამართლო პროცესი ჩანქსელიანის საჩივართან დაკავშირებით.
მთავარი სხდომა ჩაინიშნა 2025 წლის 5 სექტემბერს 14 საათზე (დარბაზი # 65), მოსამართლე ლალი ტყემალაძე.
დღევანდელ სხდომას ჩვენი მხრიდან ესწრებოდნენ ს. ჯორბენაძე, ადვოკატი ხ.გრიგალაშვილი და ამხანაგობის წევრი ნინო ღაღანიძე მეუღლითურთ.
დანარჩენებს დიდი მადლობა გვერდში დგომისთვის!
საკუთარი ქონების დაცვისთვის მხარდაჭერაც ასეთი უნდა!
უახლოესი პროცესი (ქეთევან ჭანუყვაძესთან) გვაქვს 16 ივნისს, ორშაბათს, 16:00 საათზე (დარბაზი # 64), მოსამართლე ხათუნა კაკაბაძე.
სავარაუდოდ ამავე სხდომაზე დამთავრდება საქმის განხილვა.
რადგან არავის აინტერესებს სასამართლო, უპრიანი იქნება ს.ჯორბენაძემ და ხ.გრიგალაშვილმაც დაანებოს თავი პროცესებზე სიარულს!
მოგესალმებით ყველას,
22 მაისს ჩატარდა სასამართლო პროცესი ქეთევან ჭანუყვაძის სარჩელთან დაკავშირებით. მნიშვნელოვანი იყო ხათუნა გრიგალაშვილის საპასუხო არგუმენტები მოსარჩელის მოთხოვნებთან დაკავშირებით. სასამართლოზე დამთავრდა მოსამზადებელი ეტაპი, შუამდგომლობების დაყენება და სასამართლო გადავიდა არსებითი განხილვის ეტაპზე, რომელიც ჩატარდება თბილისის საქალაქო სასამართლოში 2025 წლის 16 ივნისს, 16:00 საათზე, დარბაზი # 64. სავარაუდოდ ამ სხდომაზევე დამთავრდება საქმის განხილვა.
სასამართლო სხდომის ჩატარებას აქვს თავისი მკაცრი წესები, რაც გაწერილია კანონში. ამასთან დაკავშირებით მოსამართლემ გვთხოვა, რომ აღარ დაიგვიანოთ 16 ივნისის სხდომაზე. გარდა ამისა არ შეიძლება სხდომიდან გასვლა, მერე შემოსვლა, ისევ გასვლა და ა.შ.; სიგარეტის მოწევა, წყლის დალევა და და სხვა მოთხოვნები განახორციელეთ სხდომის დაწყებამდე. წყლის შეტანაც შეგიძლიათ.
იქამდე გვაქვს კიდევ ერთი სასამართლო პროცესი თამრო ჩანქსელიანის სარჩელთან დაკავშირებით, რომელიც ჩატარდება თბილისის საქალაქო სასამართლოში 2025 წლის 10 ივნისს, 11:00 საათზე, დარბაზი # 65.
აქაც გაითვალისწინეთ მოსამართლის წინა შენიშვნა.
მოგესალმებით მეგობრებო,
ადვოკატი თ.ილიაშვილი და მ.აფხაძე კვლავ არ ჩერდებიან და მორიგ პასკვილებს უგზავნიან ამხანაგობის წევრებს.
მართალია არ ვაპირებდი პასუხის გაცემას, რადგან ძნელია იმართლო თავი იმ ტალახის შესხმაზე, რასაც კადრულობენ ეს ადამიანები. ადამიანები, რომლებიც მიჩვეული არიან ტალახის სროლას იმდენად, რომ უკვე ხასიათში აქვთ გადასული.
სამწუხაროდ, ამხანაგობის ზოგიერთი წევრი აჰყვა მათ და რაღაც ნაწილში ეჭვი ეპარება ჩვენში.
შეიძლება ბევრმა არ დაიჯეროს, მაგრამ როდესაც ახალი გამგეობა იქნა არჩეული, ჩვენ შევთანხმდით, რომ დავკმაყოფილდებოდით მხოლოდ იმით, რაც გვეკუთვნის. გამგეობის ყველა წევრი დათანხმდა ამ პირობას.
გარკვეული პირობების გამო, გამგეობაში ძველი გამგეობის წევრებიც იქნნენ შეყვანილი, რომლებიც მუდმივად ხელის შეშლაზე და ინტრიგაზე იყვნენ ორიენტირებულები.
ისინი შევცვალეთ სხვა წევრებით.
აღნიშნულ ინტრიგნულ და დესტრუქციულ ქმედებებს ზოგიერთი დღესაც ახორციელებს.
ამხანაგობის ზოგიერთი წევრის. (მათ შორის გარდაცვლილის) ესტაფეტა წარმატებით აიტაცა მ.აფხაძემ და თ.ილიაშვილმა.
ამჯერად, ამხანაგობის წევრებს მიმართავენ, რომ ძველი გამგეობის წევრთა ხელმოწერებში პ.ჩაგელიშვილის ჩამატებული გვარი აფხაძეს არ გაუკეებია. სასამართლო პროცესზე თვითონ აღიარა, რომ ადრეც წარადგინა სხვა საქმეზე აღნიშნული დოკუმენტი, რომელზეც არ იყო ჩაგელიშვილის ხელმოწერა.
სწორედ ამ დოკუმენტზე ტარდება კალიგრაფიული ექსპერტიზა.
ეს დოკუმენტი გადმომცა ლ.ბერუაშვილის შვილმაო.
ქ-მა ლიამ ჩაამატა, მისმა შვილმა, თუ აფხაძემ, არ აქვს მნიშვნელობა. ფაქტია, რომ ჩამატებულია და სასამართლოში წარდგენილია აფხაძის მიერ.
ვნახოთ რა დასკვნას დადებს ექსპერტიზა.
ისინი აცხადებენ, რომ ტაბლიაშვილის, ახრახაძის და სხვების (სულ 8 მოსარჩელე) საქმეზე ბატონმა ხ.რუხაიამ შეიტანა ბაჟის 5 000 ლარი.
ამ 8 ადამიანის (მესამე პირები) მიერ სარჩელზე უარის თქმა იყო ქალბატონ ხათუნა გრიგალაშვილის, ს.ჯორბენაძისა და „გუმბათის“ ერთობლივი ზალისხმევის შედეგი, რითაც ყადაღა მოეხსნა ჩვენ მშენებლობას.
გახსოვთ, ალბათ, რომ იმ დროს ამათი და ძასოხოვის ყადაღა ედო მიწას და ბინებს.
ბაჟის თანხა დაუდია 50-მდე ადამიანს. არ დაუდია უმრავლესობასო და არც ს.ჯორბენაძესო.
ს.ჯორბენაძეს მართლაც არ დაუდია, იმ მიზეზის გამო, რომ მასთან არ კონტაქტობდა იმჟამინდელი გამგეობა.
ეხლა, რაც შეეხება ბაჟის თანხის დაბრუნებას.
მართალია სასამართლომ დაადგინა მხარეებისთვის თანხის დაბრუნება, მაგრამ აღნიშნული თანხა ს.ჯორბენაძის თავმჯდომარეობით მოქმედ გამგეობას არ დაუბრუნებია. შესაბამისად არც არსებობს არავითარი დოკუმენტი ს.ჯორბენაძის ან გამგეობის მიერ ამ თანხის დაბრუნებისა.
ცუდი თვისების ადამიანებს სხვა ადამიანებიც თავისნაირი ჰქონიათ. მათთვის წარმოუდგენელია, რომ სხვამ კეთილსინდისიერად შეიძლება იმოქმედოს იმ სიტუაციაში, რაშიც თვითონ ათასნაირ უღირს საქციელს იკადრებდნენ. სადაც აფხაძე და ილიაშვილი ბინებს ითხოვენ, ისე, რომ არც წითლდებიან, რაღა უნდა ვილაპარაკოთ?
სამწუხაროდ მათ ჰგონიათ, რომ ეს 5 000 ლარი ს.ჯორბენაძემ ან ხ.გრიგალაშვილმა აიღო, რადგან თვითონ ასე იზამდნენ. იმას კი ვერ ხვდებიან, რომ არც ს.ჯორბენაძე და არც ხ.გრიგალაშვილი არ იყიდება 5 000 ლარად, არც უფრო ძვირად.
ჩვენ არ შევსულვართ გარიგებაში ძასოხოვთან (გახსოვთ ძასოხოვის მოთხოვნა 4 800 000 $), მიუხედავად მათი მცდელობისა, რადგან ერთადერთი რაც დაგვრჩა ჩვენი წინაპრებისგან, არის სახელი და პატიოსნება, რომელიც არავითარ თანხაზე არ იყიდება.
ბინძური სულის ადამიანები (თანაც აღდგომის დღეებში) რაღაცას დააბრალებენ სხვას და იმ სხვამ მერე იმართლოს თავი როგორც უნდა.
ყველაზე ცუდი ისაა, რომ ახანაგობის ზოგიერთ წევრს მათი ცილისწამება და ტყუილები ერთადერთი, აბსოლუტური ჭეშმარიტება ჰგონიათ.
თავის მართლების ნაცვლად, ამ ცილისმწამებლებს ვთავაზობ შემდეგს _ მივიდნენ და მიიღონ ეს 5 000 ლარი, რადგან ჩვენ მიერ ეს თანხა დაბრუნებული
არაა.
მივმართავ ხ.რუხაიას მემკვიდრეებს, მ.აფხაძესთან და თ.ილიაშვილთან ერთად დაიბრუნონ ეს თანხა, ორონდ 2 პირობით:
1. იმ 50 კაცს დაუბრუნონ თავიანთი გადახდილი.
2. თანხის დაბრუნებისთანავე მოიხადონ ბოდიში ს.ჯორბენაძის, ხ.გრიგალაშვილისა და ამხანაგობის მიმართ ამ ცილისწამებისთვის.
ამხანაგობის თავმჯდომარე
მოგესალმებით მეგობრებო,
არ დაგავიწყდეთ, რომ სასამართლო პროცესი ქეთევან ჭანუყვაძის სარჩელთან დაკავშირებით ჩატარდება თბილისის საქალაქო სასამართლოში 2025 წლის 22 მაისს, 14:00 საათზე, დარბაზი # 64.
გთავაზობთ დღევანდელ ფოტოებს:
ეზოში გრძელდება არმატურის დაწნა ავტოსადგომის პირველი სართულისთვის:
ხედი „კარფურის“ მხრიდან:
ხედი აბულაძის ქუჩის მხრიდან:
