ერთი საკითხის შესახებ
როგორც მოგეხსენებათ ამხანაგობის წევრებს ეკუთვნოდა 120 და 140 კვ.მ.
საბოლოოდ გამოვიდა, რომ 120-იანებს ეკუთვნის 122 ან 123 კვ.მ., ხოლო 140-იანებს 142 კვ.მ.; რაც შეეხება მე-6 („ზ“) სადარბაზოს იქ პროექტი შეიცვალა და სულ რამდენიმე წევრი დარჩა. ბინები გამჭოლი არაა, სამაგიეროდ მოემატათ ფართი, რომლისთვისაც (მომატებულ ფართში) გადაიხდიან ინვესტორთან შეთანხმებულ თანხას.
მოგესალმებით,
გუშინ გაიმართა სასამართლო სხდომა მანანა აფხაძის სარჩელის გამო.
როოგორც მოგეხსენებათ, ამ ქალბატონმა განაცხადა, რომ თურმე მხოლოდ ის აკეთებდა საქმეს და ჩვენ უნდა ავუნაზღაუროთ 231 132 ლარი + 7812 $, რაც ჯამში 90 000 $ წარმოადგენს.
სამწუხარო ისაა, რომ ამას ეთანხმებიან ჩვენი ამხანაგობის წევრები _ ლ.გულუა, თ.ონიანი და ლ.ბერუაშვილის შვილი.
სასამართლოს დაწყებამდე და პროცესის დროს ლ.გულუა ისე ყვიროდა და მოზღვავებული ენერგიით აქტიურობდა, რომ თვითონ მ.აფხაძეც განცვიფრებული უყურებდა.
ამ ეტაპზე, მიმდინარეობს მტკიცებულებათა წარდგენა და შუამდგომლობების დაყენება.
ჩვენ მოვიპოვეთ გამგეობის სხდომის ჩანაწერი, რომელიც იმით განსხვავდება აფხაძის მიერ წარმოადგინილ იგივე დოკუმენტისგან, რომ ჩვენ დოკუმენტში გამგეობის 13 წევრიდან ხელს აწერს 6 წევრი, ხოლო აფხაძის დოკუმენტსი ჩადამატებულია პ.ჩაგელიშვილის ხელმოწერა (კვორუმისთვის).
ჩვენ დავაყენეთ მოთხოვნა კალიგრაფიული ექსპერტიზის ჩატარებაზე, რაც სასამართლომ დააკმაყოფილა. ამასთან წარვადგინეთ პ.ჩაგელიშვილის ხელმოწერები სხვადასხვა დოკუმენტებზე.
მ.აფხაძემ თავის მართლება დაიწყო იმით, რომ მას დოკუმენტის დედანი 2024 წელს გადასცა ლ.ბერუაშვილის შვილმა.
თქვენ ყველას კარგად გახსოვთ, 2017 წლიდან მოყოლებული, თუ როგორ ვთხოვდით ხ.რუხაისა და ლ.ბერუაშვილს მათ ხელთ არსებული დოკუმენტების გადმოცემას, თუმცა პასუხად ვიღებდით უარს ორივესგან _ თითქოს არავითარი დოკუმენტები არ აქვთ. ქალბატონმა ლიამ ბოლოს ისიც განაცხადა, რომ მაქვს და არ გაძლევთო.
ამის საპირისპიროდ, უკვე მისი შვილი, სასამართლოში ჩვენ მოწინააღმდეგე მხარეს ამარაგებს სხვადასხვა, მათ შორის 12-14 წლის შემდეგ (სავარაუდოდ პ.ჩაგელიშვილის გარდაცვალების შემდეგ) ჩამატებული ხელმოწერილიანი დოკუმენტით.
ქალბატონი გულუა გაიძახის, რომ შევუგროვოთ აფხაძეს 500-500 აშშ დოლარიო.
შეგახსენებთ, რომ ქალბატონმა ხათუნა გრიგალაშვილმა ისტორიული გამარჯვება მოიპოვა ძასოხოვზე სამივე ინსტანციის სასამართლოში და მას სასამართლომ 1000 ლარის ოდენობით აუნაზღაურა.
აფხაძის საქმეზე სასამართლო პროცესი გაგრძელდება ექსპერტიზის დასკვნის წარმოდგენის შემდეგ.
იქამდე სხვა პროცესებიც გვაქვს.
სამწუხაროა, რომ სულ 5-6 ადამიანი ესწრებოდა ჩვენი მხრიდან (გულუა, ონიანი და ბერუაშვილის შვილი მოწინააღმდეგე მხარესაა).
ეს პროცესები თქვენც გეხებათ მეგობრებო. თქვენ შვილებს და შვილიშვილებს ვისაც უტოვებთ ამ ბინებს.
მადლობა იმახალგაზრდებს, რომლებიც მოვიდნენ პროცესზე და ჩაერთვნენ თავიანთი, საკუთარი ბინის მიღების ბრძოლაში, განსხვავებით იმ მომავალი თაობისა, რომლებსაც 1 თებერვლის კრებაზე ხელმოწერის რიგში ჩადგომაც კი არ სურდათ დროის სიმწირის გამო. ეს იმ დროს, როცა მხცოვანი პროფესორები იდგნენ რიგში.
ეტყობა ამაზე უფრო მნიშვნელოვანი საქმეები აქვთ.
როდესაც დაინიშნება სასამართლო პროცესი შეგატყობინებთ.
მოგესალმებით მეგობრებო,
1 თებერვალს ჩატარებული საერთო კრების შემდეგ ამხანაგობის ძალიან ბევრმა წევრმა გადაიფიქრა ბინების გაყიდვა. ამავე დროს გაიზარდა მყიდველების ოდენობა. ეტყობა ხვდებიან, რომ რამდენიმე თვეში ბინის ფასი მოიმატებს.
ზოგიერთს სურს ბინების გაყოფა. კიდევ ერთხელ შეგახსენებთ, რომ ამ ეტაპზე პროექტის ასეთი ცვლილება შეუძლებელია.
ზოგიერთის სურვილია ქვედა სართულიდან ზედა სართულზე გადასვლა. ეს საკითხი უშუალოდ ამ ორი ოჯახის შეთანხმების სფეროა, თუმცა ზემოდან ქვემოთ ჩამომსვლელი (გაცვლით ან თანხის დამატებით) ჯერ არ სჩანს.
1 თებერვლის კრებაზე გაჟღერებული განშლა დარჩება იგივე, გარდა ბინის ნომრისა.
ბინის დანომრვასთან დაკავშირებით, მერიის უახლესი მოთხოვნის შესაბამისად,ალბათ შეიცვლება ასე _ არა ყველა სადარბაზოსთვის ბინის # 1-დან დაწყება, არამედ უწყვეტად გაგრძელება 1-ლი სადარბაზოდან ბოლო სადარბაზოს ჩათვლით.
კიდევ ერთხელ შეგახსენებთ, რომ ამ კვირაში გვაქვს სასამართლო მ.აფხაძის სარჩელთან დაკავშირებით.
სასამართლო პროცესი ჩატარდება თბილისის საქალაქო სასამართლოში 2025 წლის 20 თებერვალს, 11:00 საათზე, 54-ე დარბაზში.
გთავაზობთ დღევანდელ ფოტოებს.
1-ლი („მ“) და მე-2 („ლ“) სადარბაზოებისთვის დამთავრდა მე-16 სართულის მშენებლობა და დაიწყო მე-17 სართულის სამუშაოები. დარჩა 2 სართული, მსგავსად მე-6 („ზ“) სადარბაზოსი:
ჩვენი თხოვნით მოგვაწოდეს რამდენიმე კადრი მშენებლობიდან (ფოტოები გადაღებულია მე-9 („დ“) და 1-ლი („მ“) სადარბაზოებიდან).
მართალია ეზოში სამშენებლო ქაოსია, მაგრამ დაახლოებით შეგიძლიათ წარმოიდგინოთ ხედი, თქვენი ფანჯრებიდან ეზოს მხარეს:
ჩვენი მშენებლობა აბულაძის ქუჩიდან:
1-ელი-მე-6 სადარბაზოს მხრიდან ყიფშიძის ქუჩაზე გასასვლელი გზა ავტოსადგომებიდან:
:რაკურსი ყიფშიძის ქუჩიდან:
მოგესალმებით მეგობრებო,
ამხანაგობის კრებაზე წარმოდგენილი სამკვიდროების მიხედვით, ამხანაგობის გარდაცვლილი წევრები ჩანაცვლდება იმ მემკვიდრეებით, რომლებიც არიან მითითებული სამკვიდროში.
კრების შემდეგ არავის წარმოუდგენია სამკვიდროები და უფლების დათმობის ხელშეკრულება. იმათ, ვისაც არ წარმოუდგენია სამკვიდროები ან არ აქვს გახსნილი (6 თვის გაუსვლელობის გამო), აუცილებლად აიღეთ, რადგან დაგჭირდებათ მომავალში, რამდენიმე თვეში.
ადრეც ვთქვით და კიდევ ერთხელ შეგახსენებთ, რომ მინდობილობა (რწმუნება) არ წარმოადგენს სამკვიდროს. აქედან გამომდინარე, მხოლოდ მინდობილობის საფუძველზე შეუძლებელია ამხანაგობის ახალ წევრად მიღება. რწმუნება მოქმედებს მარწმუნებლის სიცოცხლის მანძილზე.
ამხანაგობის რამდენიმე წევრი მივიდა „გუმბათის“ გაყიდვების ოფისში და ითხოვს რაღაც ხელშეკრულების დადებას.
ამხანაგობის კრებაზე მსგავსი არაფერი გვითქვამს.
კიდევ ერთხელ ვიმეორებთ, რომ რეესტრს გადაეცემა ახალ წევრთა სია. რეესტრი ჯერ ამტკიცებს ჩვენი ამხანაგობისთვის გადმოსაცემ საერთო (ჯამურ) ფართს. რამდენიმე თვის შემდეგ კი, მოხდება ინდივიდუალური გაფორმება.
იმ შემთხვევაში, თუ 1 თებერვლის შემდეგ გაკეთდება სამკვიდრო მოწმობა ან უფლების დათმობა, ესეც გათვალისწინებული იქნება საბოლოო სიების გადაცემის დროისთვის.
კრებაზე ქ-ნ ხათუნა გრიგალაშვილის მიერ წაკითხული განშლის ოქმის მიხედვით მოხდება ბინების გაფორმება.
თუ ვინმემ ვერ დაიმახსოვრა ან არ ესწრებოდა კრებას, შეუძლია მიმართოს ამხანაგობის თავმჯდომარეს და ის მოგცემთ ინფორმაციას ბინის მდებარეობის შესახებ.
არ დაგავიწყდეთ, რომ 20 თებერვალს გვაქვს სასამართლო პროცესი.
მოგესალმებით ყველას,
გუშინ ჩატარდა ამხანაგობა „ბაგები 502-ის“ საერთო კრება.
კრებას ესწრებოდა 102 წევრი. მართალია მოსული იყო უფრო მეტი ადამიანი, ძირითადად ოჯახის წევრები, მაგრამ მათ არ ჰქონდათ შესაბამისი რწმუნება და მხოლოდ დამსწრის სტატუსით მიიღეს მონაწილეობა.
კრებამ აირჩია „ბაგები 502-ის“ ახალი წევრები: მერი ნიკოლაიშვილი, ნინა შონის, ირა მგელაძე, ლაშა უფლისაშვილი და გიორგი ძნელაძე.
კრებაზე სიტყვით გამოვიდა სპეციალურად მოწვეული, სამშენებლო კომპანია „გუმბათის“ დირექტორი და ინვესტორი მერაბ ტყეშელაშვილი, რომელმაც მადლობა გადაუხადა ამხანაგობის წევრებს და დაადასტურა გეგმის მიხედვით მშენებლობის მიმდინარეობა, რაც ითვალისწინებს დეკემბერში _ საახალწლოდ მშენებლობის დამთავრებას და ჩვენთვის ე.წ. გასაღების გადმოცემას, თუ რაიმე სხვა, უცხო ფაქტორმა არ შეუშალა ხელი.
ამხანაგობის წევრებმა წარმოადგინეს უფლების დათმობის (ცესიის) ხელშეკრულებები და სამკვიდროები. შესაბამისად, ამხანაგობის ძველი წევრების ნაცვლად აირჩა ახალი წევრები.
ამხანაგობის წევრებმა თავმჯდომარე ს.ჯორბენაძეს მისცეს უფლებამოსილება ხელი მოაწეროს განშლის ოქმს.
ქ-მა ხათუნა გრიგალაშვილმა ყველას სათითაოდ გააცნო საკუთარი მისაღები ფართის, სადარბაზოსა და სართულის მდებარეობის შესახებ. ბევრმა მაინც ვერ გაიგო, რომელ სადარბაზოშია მისი ფართი.
საქმე იმაშია, რომ სადარბაზოების ნომრები 2005 წლის შემდეგ 2-ჯერ შეიცვალა. ამიტომ გთავაზობთ სადარბაზოების ნომრების შესაბამისობას:
|
Bsadarbazos 2005 wlis droindeli nomeri |
B`gumbaTis~ mier gadanomrili sadarbazo |
სadarbazos
amJamindeli nomeri |
|
ა |
1 |
11 |
|
ბ |
2 |
კომერციული |
|
გ |
3 |
10 |
|
დ |
4 |
9 |
|
ე |
5 |
8 |
|
ვ |
6 |
7 |
|
ზ |
7 |
6 |
|
თ |
8 |
5 |
|
ი |
9 |
4 |
|
კ |
10 |
3 |
|
ლ |
11 |
2 |
|
მ |
12 |
1 |
ორშაბათ-სამშაბათს გადმოგვიგზავნის განშლის გეგმას, რომლის დადებასაც ვაპირებდით საიტზე, მაგრამ ამხანაგობის ზოგიერთი წევრის (რომელმაც გაყიდა ბინა) და ზოგიერთი ახალი წევრის (რომელმაც იყიდა ბინა) მოთხოვნით (მათ არ სურთ საჯარო გახადონ ეს ინფორმაცია) ერთიან სიას აღარ გამოვაქვეყნებთ.
ამხანაგობის თავმჯდომარე გამოგიგზავნით, თქვენი მოთხოვნის არსებობის შემთხვევაში.
აღნიშნული ინფორმაცია შეგიძლიათ მიიღოთ „გუმბათის“ გაყიდვების ოფისშიც, რომელიც ი.ჭავჭავაძის 33-ში აღარ მდებარეობს, რადგან სახლი დაიწვა, ხოლო „გუმბათის“ ოფისი დაიტბორა მეხანძრეების მიერ.
ახალი ოფისი გადავიდა 200 მეტრის მოშორებით _ ო.თაქთაქიშვილის (რიგის) ქუჩის # 7-ში, შესასვლელი ფალიაშვილის მხრიდან. ოფისის ტელეფონებია:
ამხანაგობის კრებას წერილით მომართა თამაზ ილიაშვილმა, რომელმაც განაცხადა, რომ ეკუთვნის 120 კვ.მ. ბინა, რომელსაც თითქოს ზეპირად დაპირდა ამხანაგობის ძველი გამგეობა. მან მოითხოვა კენჭისყრაზე დაყენებულიყო მისი პრეტენზია და კრებას მიეღო ამხანაგობის ახალ წევრად.
კენჭისყრის შედეგად, იბა „ბაგები 502-ის“ საერთო კრებამ ერთხმად უთხრა უარი ბ-ნ თამაზ ილიაშვილს ამხანაგობის წევრად მიღებაზე და მისთვის 120 კვ.მ. ბინის გადაცემაზე.
იმდენი ახალი სამკვიდრო და უფლების გადაცემა დაგროვდა, რომ მათ შესწავლას 2-3 დასჭირდება. ამიტომ, თუ ვინმეს დაგრჩათ მოსატანი სამკვიდრო ან უფლების დათმობის ხელშეკრულება, გთხოვთ ეს მოასწროთ 2-3 დღეში.
ამხანაგობის თხოვნა: ახალმა წევრებმა, რომელთა ტელეფონები და მეილები არ გვაქვს, გთხოვთ შეატყობინოთ ამხანაგობის თავმჯდომარეს, რათა შემდგომში გაიოლდეს კომუნიკაცია.
გამგეობას არ აქვს შემდეგი ძველი წევრების მეილები:
1. ასათიანი გიორგი, ანა გველესიანი
2. ბურჭულაძე თეიმურაზ
3. გაბეხაძე ლილი
4. დევდარიანი გიორგი
5. კაჭარავა ელა
6. კვარაცხელია ნაპო
7. ნაჭყებია გურამის მემკვიდრეები
8. პაპისმედოვი ბესიკი
9. ფანცულაია ციალა
10. ქათამაძე ნინო
11.შაბატა მაგალი
12. ხარაძე ცისანა
13. ხვედელიძე ზურაბის ოჯახი
14. ჯინჯოლავა პალადის ოჯახი
კრების დამთავრების შემდეგ ამხანაგობის ბევრი წევრი გაემართა მშენებლობის სანახავად. მიუხედავად ამისა, მაინც გთავაზობთ დღევანდელ გადაღებულ ფოტოებს:
1-ლი („მ“), მე-2 („ლ“) და მე-3 (“კ“) სადარბაზოებისთვის დამთავრდა მე-15 სართული მთლიანად და მე-16 სართულის ნახევარი:
ხელი „კარფურის“ მხრიდან:
