მოგესალმებით ყველას,

თვის ბოლო დღეა და გთავაზობთ მშენებლობის დღევანდელ ფოტოებს.

1-ლი („მ“), მე-2 („ლ“) და მე-3 („კ“) სადარბზოების ავტოსადგომის პირველი სართულისთვის მომზადდა ყალიბები ბეტონის ჩასასხმელად:

მე-4 („ი“) და მე-5 („თ“) სადარბაზოებისთვის დამთავრდა მე-13 სართულის მშენებლობა და დაიწყო მე-14 სართულის სამუშაოები:

შედარებისთვის: შარშანდელი (30.06.2022 წ.) ფოტო _

 

ინტენსიურად მიმდინარეობს კედლების უცხოური ბლოკით ამოშენება:

მე-6 („ზ“) სადარბაზოსთვის თითქმის დამთავრდა მე-13 სართულის მშენებლობა. დარჩა მცირე მანძილის გადახურვა მე-5 („თ“) ადარბაზოს მხარეს:

მე-10 („გ“), კომერციული („ბ“) და მე-11 („ა“) სადარბაზოებისთვის დამთავრდა მე-12, ნაწილობრივ დამთავრდა მე-13 და დაიწყო მე-14 სართულის მშენებლობა:

შედარებისთვის: შარშანდელი (30.06.2022 წ.) ფოტო _

ყველაზე კარგად მშენებლობა მაინც ყიფშიძის ქუჩიდან აღიქმება:

კიდევ ერთხელ შეგახსენებთ, რომ სასამართლო პროცესი გრძელდება ა.წ. 7 ივლისს, თბილისის საქალაქო სასამართლოში 14:00 საათზე, დარბაზი # 51.

გასაგებია, რომ ასაკის გამო ბევრს გიჭირთ სასამართლოზე მოსვლა (სხვა თუ არაფერი _ 44 წელია ვაშენებთ ბინებს), მაგრამ თუ თქვენ ვერ ახერხებთ მოსვლას, იქნებ თქვენმა შვილებმა ან შვილიშვილებმა _ ვისთვისაც აპირებთ ბინის დატოვებას _ ინებონ მოსვლა.

:

 მოგესალმებით მეგობრებო,

გუშინ ჩატარდა სასამართლო პროცესი ძასოვის სარჩელთან დაკავშირებით.

დაიკითხა ჯიმი ყიფიანი, რომელიც კვლავ ამტკიცებდა, რომ მათ მიერ მოთხოვნილი თანხა უნდა გადაიხადოს ამხანაგობამ. ის, რომ გაკოტრების საქმეში ჩაერთვნენ მე-7 რიგის კრედიტორად და ეს თანხა მოსთხოვეს კომპანია „თბილისს“ ვითომც არ ყოფილა. გაკოტრების საქმიდან ვერ მიიღეს ფული და ახლა ჩვენგან უნდათ ამის გაკეთება.

ჯიმი ყიფიანის პასუხები იყო არათანმიმდევრული, მტკიცებულებების გარეშე და დროში არეული.

ჩვენ კითხვაზე, თუ როდის იქნა ამხანაგობის მიერ აღიარებული მათ მიერ მოთხოვნილი თანხა ვალად, ვერაფერი გვიპასუხა.

მისი გამოსვლა, ძირითადად გოჩა ძასოხოვის ქება-დიდებას, ხოტბის შესხმას, დითირამბებით მოხსენიებას ეძღვნებოდა. 

ბოლოს მოგვმართა ჩვენ, გაგვკიცხა, რომ ვერ ვაფასებთ გოჩა ძასოვოვის მადლს.

ცოტა აკლდა და ძასოხოვისთვის ძეგლის დადგმას ან წმინდანად აღიარებას მოგვთხოვდა.

სიტყვა „მადლი“ რამდენჯერმე გაიმეორა _ იმ კაცის მიმართ, რომელსაც უნივერსიტეტის პროფესორ-მასწავლებლებიდან უნდა იშოვოს რამდენიმე მილიონი, იმ ხალხისგან, რომლებიც აგერ უკვე 44 წელია იშენებს ბინას, წაართვას მათ ეს ბინები.

მკრეხელობაა გამოიყენო სიტყვა „მადლი“ იმ ადამიანის მიმართ, რომელიც გძარცვავს, ბევრისთვის უკანასკნელი იმედის (საოპერაციოდ და ა.შ.) წართმევა უნდა.

საქართველოში ერთმა მდიდარმა კაცმა 1 000 000 000 $-ზე გაცილებით მეტი ქველმოქმედება გასწია, მაგრამ დღემდე მის მიმართ ეს სიტყვა არავის გამოუყენებია.

მოწმე, რომ ძასოხოვის მხარეს იქნებოდა ეს ისედაც ცხადი იყო.

მეორე მოწმე _ გონელ ყურაშვილი არ გამოცხადებულა.

გარდა ამისა სასამართლომ, ტრადიციულად, არ დააკმაყოფილა ჩვენი რამდენიმე შუამდგომლობა. 

შემდეგი სხდომა გაიმართება 7 ივლისს, 14:00 საათზე დარბაზი # 51.

 ძვირფასო მეგობრებო.

კიდევ ერთხელ შეგახსენებთ, რომ ჩვენი პროცესი ძასოხოვთან დასასრულს უახლოვდება პირველი ინსტანციის სასამართლოში.

სავარაუდოდ ბოლოსწინა სხდომა ჩატარდება 23 ივნისს, 16:00 საათზე, დარბაზი # 51.

სხდომაზე დაიკითხებიან მოწმეები: ჯიმი ყიფიანი და გონელ ყურაშვილი (კომპანია „თბილისის“ დირექტორი).

 კიდევ ერთხელ მოგესალმებით ყველას,

გუშინ შედგა სასამართლო პროცესი.

ძასოხოვის მხარეს არაფერი ჰქონდა სალაპარაკო და თითქმის მთელი პროცესის მანძილზე დუმდა. მხოლოდ ჩვენ მოსაზრებებს არ ეთანხმებოდა.

ჩვენი მხრიდან ქალბატონმა ხათუნა გრიგალაშვილმა მოითხოვა „ბაგები 504-ის“ არასათანადო მოპასუხედ ცნობა, რაც იმას გულისხმობს, რომ ჩვენ არ ვართ მოპასუხე და ასეთად (მოპასუხედ) უნდა იყოს მიჩნეული კომპანია „თბილისი“.

სამწუხაროდ ეს შუამდგომლობა არ დააკმაყოფილა სასამართლომ.

ამის შემდეგ ქალბატონმა ხათუნამ მოითხოვა კომპანია „თბილისის“ მესამე პირად ჩაბმა, თუმცა არც ეს მოთხოვნა დაკმაყოფილდა.

ქალბატონი ხათუნას დასაბუთება იმდენად მოცულობითი, შთამბეჭდავი და სამართლებრივად გამართული იყო, რომ მოსამართლეც სიამოვნებით უსმენდა და ბოლოს ძალიან კარგი დასაბუთებააო განაცხადა, თუმცა არ დააკმაყოფილა მოთხოვნა.

იმედია, ქალბატონი ხათუნას, სამეცნიერო ნაშრომის ტოლფასი დასაბუთება აისახება საბოლოო გადაწყვეტილებაში.

შემდეგი (სავარაუდოდ ბოლოსწინა) სხდომა გაიმართება 23 ივნისს 16:00 საათზე.

ამ სხდომაზე დაკითხული იქნებიან მოწმეები: 1. ჯიმი ყიფიანი და 2. გონელ ყურაშვილი.

დარწმუნებული ვარ, რომ 23 ივნისს ისეთივე ხალვათობა არ იქნება, როგორც გუშინ.

გთავაზობთ მშენებლობაზე გადაღებულ დღევანდელ ფოტოებს.

პირველ („მ“), მე-2 („ლ“) და მე-3 („კ“) სადარბაზოების კოლონებისთვის ისხმება ბეტონი. ზოგი ჩასხმის პროცესშია, ზოგი შრება:

მე-4 („ი“) და მე-5 („თ“) სადარბაზოებისთვის მიმდინარეობს მე-13 სართულის გადახურვა:

 

ამ სადარბაზოებისთვის აქტიურად მიმდინარეობს კედლების ბლოკით ამოშენება:

ამ სადარბაზოების ხედი „კარფურის“ მხრიდან:

მე-6 („ზ“) სადარბაზოსთვის მიმდინარეობს მე-13 სართულის არმატურის დაწნა და კოლონების მომზადება ბეტონის ჩასასხმელად:

ხედი „კარფურის“ მხრიდან:

მე-10 („გ“), კომერციული („ბ“) და მე-11 („ა“) სადარბაზოებისთვის მიმდინარეობს მე-12 სართულის გადახურვა და მე-13 სართულის სამუშაოები:

ხედი კარფურის მხრიდან:

მშენებლობის ყველა ლოკაციის ხედი ყიფშიძის ქუჩიდან: