მოგესალმებით მეგობრებო,

როგორც იქნა მერიამ დაამთავრა შემოწმება და დაადგინა გარკვეული დავალებების შესრულება ინვესტორისგან _ პროექტი უნდა დაიყოს ბლოკებად (მშენებლობა უნდა დაიყოს 5 ბლოკად) და სხვა (ხელახალი განშლა და ა.შ.) საკითხები.

ყველაფერი ამის შესრულება ინვესტორმა უკვე დაიწყო. ამ დღეებში ჯარიმასაც გადაიხდის.

ყველა ხარვეზის გამოსწორების შემდეგ ისევ მიმართავს მერიას. ეს უკანასკნელი კი, დაადასტურებს გამოსწორებას. დადასტურებას დასჭირდება სავარაუდოდ 3-4 კვირა.

 ამის შემდეგ, კორექტირებული განშლის შესაბამისად ვიღებთ საკადასტრო კოდს, ხოლო შემდეგ გადაფორმდება ინდივიდუალურად ყველაზე.

აქედან გამომდინარე, საკადასტრო კოდის აღებამ გადაიწია 3-4 კვირით. ე.ი. ნოემბრის ბოლომდე.

მიუხედავად იმისა, რომ მერიის მიერ დადგენილი ხარვეზის გამოსწორებას გარკვეული დრო სჭირდება, ინვესტორს არ უნდა, რომ გადაიწიოს მისმა დაპირებამ დეკემბრის ბოლოს ბინის ჩაბარებასთან დაკავშირებით.

ინვესტორმა განაცხადა, რომ ყველაფერს იღონებს ამ ვადის დაურღვევლობასთან დაკავშირებით. მიუხედავად ამისა, აქედანვე ცხადია, რომ ვერ მოესწრება ზ“ (ამჟამინდელი მე-6) სადარბაზოს ჩაბარება. ჩაბარდება ცოტა მოგვიანებით.

ოქტომბერში დაიწყო 48-ე წელი ჩვენი მშენებლობის.

გასაგებია, რომ ჩქარობთ, მაგრამ ყველაფერს აქვს თავისი წესები. მშენებლობა არაა სწრაფი საქმიანობა. გაიხსენეთ რამდენი წელი გვაქვს დაკარგული უშუალოდ თქვენი _ უმრავლესობის გამოისობით.

გასაგებია ისიც, რომ ვიღაცას გაყიდვა უნდა, ვიღაც ავადაა და მკურნალობისთვის სჭირდება თანხა და ა.შ.

მე ერთხელ აგიკრძალეთ სიკვდილი. გთხოვთ შეასრულოთ ჩემი თხოვნა. ვინც არ მეთანხმება, შეუძლია გაყიდოს ბინა ცესიის წესით, შეუძლია ამავე წესით გადაუფორმოს ოჯახის წევრს ან დაწეროს ანდერძი. პროცესის დაჩქარება ჩვენ შესაძლებლობებს აღემატება.

გადაფორმებამდე დარჩა სულ ცოტა დრო. მოითმინეთ.

ამხნაგობის თავმჯდომარე

გთავაზობთ ხაშურის რაიონული სასამართლოს გადაწყვეტილების სარეზოლუციო ნაწილს:

საქმეN2-950-2024

(130210124009908518)

გადაწყვეტილება

საქართველოსსახელით

სარეზოლუციონაწილი

29 სექტემბერი, 2025წელი

ქ.ხაშური ხაშურისრაიონულისასამართლო

მოსამართლემევლუდხათაშვილი

სხდომისმდივანი თამარკ აკიაშვილი

მოსარჩელე-სებაჰათთინ ილდიზი

წარმომადგენელი-ციცინო დევრისაშვილი

მოპასუხე-გოჩა ძასოხოვი

წარმომადგენელი-გოგუცა კუპატაძე

მოპასუხეები - ერთობლივი საქმიანობის ამხანაგობა „ბაგები 504“, ერთობლივი საქმიანობის ამხანაგობა „ბაგები 502“, ერთობლივი საქმიანობის ამხანაგობა„ბაგები504-2“,შპს„თსუყიფშიძის1“

წარმომადგენლები-სანდრო ჯორბენაძე, ხათუნა გრიგალაშვილი

დავისსაგანი-ზიანისანაზღაურება

შეგებებულისარჩელისავტორი-გოჩაძასოხოვი

 წარმომადგენელი-გოგუცაკუპატაძე

მოპასუხე შეგებებულ სარჩელზე-სებაჰათთინილდიზი

წარმომადგენელი-ციცინო დევრისაშვილი

მოპასუხე შეგებებულ სარჩელზე-სს „ვითიბიბანკიჯორჯია“

წარმომადგენლები -ბელა ცხვედიანი, თეიმურაზ წიქვაძე

დავისსაგანი- მემორანდუმის ბათილად ცნობა, ზიანის ანაზღაურება

 

სარეზოლუციონაწილი

სასამართლომ იხელმძღვანელა საქართველოს სამოქალაქო საპროცესო კოდექსის 243-244-ე, 249-ე, 257-ე, 2591, 364-ე, 367-ე, 369-ემუხლებითდა

 

გადაწყვიტა

1.არდაკმაყოფილდესსებაჰათთინილდიზისსარჩელი;

2.ნაწილობრივდაკმაყოფილდესგოჩაძასოხოვისსარჩელი;

3. ბათილად იქნეს ცნობილი სს „ვითიბი ბანკი ჯორჯიას“ და გოჩა ძასოხოვს შორის 2008 წლის 7 აპრილს დადებული მემორანდუმი. სს „ვითიბი ბანკი ჯორჯიას“ გოჩა ძასოხოვის სასარგებლოდ დაეკისროს 6832000 (ექვსიმილიონ რვაასოცდათორმეტიათასი)აშშდოლარისგადახდა;

4.დანარჩენნაწილშიგოჩაძასოხოვისსარჩელიარდაკმაყოფილდეს;

 5. ხაშურის რაიონული სასამართლოს 2025 წლის 28 იანვრის N2-950-2024 განჩინებით გამოყენებული სარჩელის უზრუნველყოფის ღონისძიება დარჩეს ძალაში;

6. სებაჰათთინ ილდიზს დაეკისროს ერთობლივი საქმიანობის ამხანაგობა „ბაგები 504“-ის სასარგებლოდ ამ უკანასკნელის მიერ სარჩელის უზრუნველყოფის შესახებ განჩინებაზე შეტანილ საჩივარზე გადახდილი სახელმწიფობაჟის50 (ორმოცდაათი)ლარისგადახდა;

7. სს „ვითიბი ბანკი ჯორჯიას“ დაეკისროს გოჩა ზასოხოვის სასარგებლოდ ამ უკანასკნელის მიერ სახემწიფო ბაჟის სახით შეტანილი თანხის 3000 (სამიათასი) ლარის ნაწილის - 578 (ხუთასსამოცდათვრამეტი) ლარის და სარჩელის უზრუნველყოფის შესახებ განცხადებაზე შეტანილი სახელმწიფო ბაჟის50 (ორმოცდაათი)ლარისგადახდა;

 8. გადაწყვეტილება შეიძლება გასაჩივრდეს თბილისის სააპელაციო სასამართლოს სამოქალაქო საქმეთა პალატაში დასაბუთებული გადაწყვეტილების ასლის ჩაბარებიდან 14 დღის ვადაში, სარეზოლუციო ნაწილის მე-9 პუნქტით გათვალისწინებული წესების დაცვით ხაშურის რაიონულისასამართლოსმეშვეობით;

9. გადაწყვეტილების გასაჩივრების მსურველი მხარე, თუ ის ესწრება გადაწყვეტილების გამოცხადებას ან მისთვის ცნობილია გადაწყვეტილების გამოცხადების თარიღი, ვალდებულია გადაწყვეტილების სარეზოლუციო ნაწილის გამოცხადებიდან არა უადრეს 20 და არა უგვიანეს 30 დღისა, გამოცხადდეს ხაშურის რაიონულ სასამართლოში და ჩაიბაროს გადაწყვეტილების ასლი.წინააღმდეგშემთხვევაშიგასაჩივრებისვადისათვლა დაიწყებაგადაწყვეტილებისგამოცხადებიდან 30-ე დღეს.ამვადისგაგრძელება დააღდგენადაუშვებელია.

 კიდევ ერთი მოსალოცი ფაქტი,

 

დღეს გამოცხადდა სარეზოლუციო ნაწილი (ე.ი. მხოლოდ შედეგი დასაბუთების გარეშე) თამრო ჩანქსელიანის საჩივართან დაკავშირებით.

 თბილისის საქალაქო სასამართლომ თ.ჩანქსელიანის სარჩელი არ დააკმაყოდილა. ამასთან მოიხსნა ის ყადაღა, რომელიც დადებული იყო ინვესტორის ერთ-ერთ ბინაზე.

შეგახსენებთ, რომ ჩანქსელიანი ითხოვდა ყადაღის დადებას იბა „ბაგები 502-ის“ რომელიმე, ანუ ჩვენ ბინაზე. ჩვენი თხოვნის შედეგად, ინვესტორმა გაგვიწია შეღავათი და ჩვენი ხათრით დათანხმდა თავისი ბინის დაყადაღებაზე. მადლობა მათ და მადლობა ქ-ნ ხათუნა გრიგალაშვილს.

თ. ჩანქსელიანს შეუძლია ეს გადაწყვეტილება გაასაჩივროს სააპელაციო სასამართლოში. თუმცა, ნებისმიერი იურისტისთვის ეს იქნება მხოლოდ ზედმეთი ფულის ხარჯვა მათი მხრიდან.

სამართალი პურს ჭამს _ როცა მართალი ხარ.

ამავე დროს, სიმართლესაც დამტკიცება და სასამართლოს დარწუნება უნდა.

გილოცავთ ! ! !

 გადადება

იმის გამო, რომ დღევანდელი დღე დასვენების დღედ გამოცხადდა, თამრო ჩანქსელიანის საქმესთან დაკავშირებით გადაწყვეტილების გამოცხადდება გადაიდო და გამოცხადდება თბილისის საქალაქო სასამართლოში სამშაბათს, 7 ოქტომბერს, 15:50 საათზე, იმავე, # 65 დარბაზში.

კიდევ ერხელ მოგესალმებით ყველას,

საკადასტრო კოდის აღებასთან დაკავშირებით _ ფული გადარიცხულია ეკატერინე ქადაგიძის მიერ. იმის გამო, რომ გაურკვეველია მისი ვინაობა, ვთხოვთ, ქალბატონ ეკატერინეს დაუკავშირდეს ქალბატონ ირინა მგელაძეს.

გუშინ დამთავრდა სასამართლო პროცესი მ.აფხაძის საჩივართან დაკავშირებით.

შეგახსენებთ, რომ ეს ქალბატონი პრეტენზიას აცხადებდა 265000 ლარზე. თითქოს ის ახორციელებდა საადვოკატო საქმიანობას (თუმცა ადვოკატობის დამადასტურებელი დოკუმენტის ან უბრალოდ ადვოკატის რიგითი ნომრის წარმოდგენაზე უარს აცხადებდა) და მოწვეული იყო თავის დროზე ლ.ბერუაშვილისა და ხ.რუხაიას მიერ, რომლებიც დაპირებიან 10 კვ.მ კომერციულ ფართს. 

იმის გამო, რომ ფართების ნებისმიერ გასხვისებაზე საჭირეო იყო საერთო კრების გადაწყვეტილება, ამხანაგობის იმდროინდელმა გამგეობამ გადაწყვიტა, რომ ეს საკითხი გაეტანა გამგეობის სხდომაზე. გამგეობის 13 წევრიდან სხდომას ესწრებოდა 6. ე.ი. არ იყო უმრავლესობა (7 ხმა) (იხ. ამ საიტზე გამოქვეყნებული ა.წ. 24 თებერვლისა და 20 აპრილის ტექსტები). ამ სხდომის ოქმი ინახებოდა ლ.ბერუაშვილთან (ყველამ იცით, რომ ახალ გამგეობას არაფერი გადმოგვცეს დოკუმენტების, ოქმების სახით). მისმა შვილმა ეს ოქმი გადასცა მ.აფხაძეს. აფხაძემ კი, სასამართლოს წარუდგინა მე-7 ადამიანის (პროცესის დაწყებისთვის უკვე გარდაცვლილი) პ.ჩაგელიშვილის ხელმოწერით.

სიყალბის ჩადენისთვის მოვითხოვეთ სამხარაულის ექსპერტიზის ჩატარება კალიგრაფიის შეუსაბამობის დადასტურების გამო. ექსპერტიზის ჩატარების თანხები სასამართლომ დააკისრა მხარეებს. 

ამხანაგობის წევრებმა (აქედან 3 _ ონიანი, გულია და ბერუაშვილის შვილი აფხაძის მხარეს იყვნენ) უარი განაცხადეს თანხის გადახდაზე. ასევე უარი განაცხადეს სხვა წევრებმა-მოპასუხეებმა. იმის გამო, რომ ექსპერტიზა აუცილებლად ცატარებულიყო და დამტკიცებულიყო ხელმოწერის სიყალბე, ამხანაგობის მაგივრად თანხის (3000 ლარამდე) გადახდის ვალდებულება იკისრა პირადად ს.ჯორბენაძემ, რაზეც დაიდო ხელშეკრულება ს.ჯორბენაძესა და სამხარაულის სასამართლო ექსპერტიზის ეროვნულ ბიუროს შორის.

ექსპერტიზის ჩასატარებლად საჭირო იყო მ.აფხაძის მხრიდანაც თანხის გადახდა, რაზეც მან უარი განაცხადა შემოგვთავაზა გარკვეული პირობებით საქმის დასრულება.

ამ საიტზე, შეგიძლიათ იხილოთ ა.წ. 5 მაისის ტექსტი, რომლითაც  შეგატყობინეთ, რომ მ.აფხაძე და თ.ილიაშვილი აცხადებდნენ და მეილებზე უგზავნიდნენ ამხანაგპბის წევრებს, რომ ტაბლიაშვილის, ახრახაძის და სხვების (სულ 8 მოსარჩელე) საქმეზე ბატონმა ხ.რუხაიამ, ამხანაგობის სახელით შეიტანა ბაჟი 5 000 ლარი და ეს თანხა ამხანაგობის თავმჯდომარე ს.ჯორბენაძემ და ადვოკატმა ხ.გრიგალაშვილმა გამოიტანეს და შეჭამესო.

როდესაც დავამტკიცეთ, რომ ამ თანხისთვის ხელი არ გვიხლია და არც ვაპირებდით თანხის უკან დაბრუნებას (ცილისმწამებლებს დრემდე არ მოუხდიათ ბოდიში), მ. აფხაძემ, მიხვდა რა, რომ საქმეს ვერ მოიგებდა და შეიძლებოდა იქით შევდავებულიყავით გაყალბების გამო, განაცხადა, რომ გამოგვეტანა ეს თანხა და მიგვეცა მისთვის, რითაც მეტი პრეტენზია აღარ ექნებოდა ჩვენ მიმართ და გაიხმობდა სარჩელს.

ამის შესახებ ს.ჯორბენაძემ შეატყობინა გამგეობის წევრებს, რომლებმაც განაცხადეს თანხმობა, მიუხედავად იმისა, რომ ფაქტობრივად 100 % გამარჯვებული ვიქნებოდით სასამართლო გადაწყვეტილებით.

ცილისწამების გამო, ს.ჯორბენაძემ კატეგორიული უარი განაცხადა ამ თანხის გამოტანაზე, თუმცა შეეძლო 1 დღეში მოეგვარებინა ეს საკითხი.

თანხის გამოტანა ითავა ხ.რუხაიას შვილმა მიხეილმა. კარგა ხნის წვალების შემდეგ მან ეს თანხა გამოიტანა, თუმცა ის ვერ გადასცემდა ამ თანხას აფხაძეს, იმის გამო, რომ რუხაია არ იყო მოპასუხე.

გუშინდელ სასამართლო პროცესზე ჩვენი მოთხოვნა იყო მორიგების გაფორმება და არა სარჩელის გამოხმობა.

საბოლოოდ გავაფორმეთ მორიგება. მორიგების შედეგად, საქმის წარმოება შეწყდება მორიგების პირობების შესრულებისთანავე. პირობა კი, ასე შესრულდება: მ.რუხაია გადაურიცხავს თანხას ლ. გულუას, ეს უკანასკნელი მ. აფხაძეს.

იმ შემთხვევაში, თუ ლ.გულუა არ გადაურიცხავს თანხას, ამხანაგობა იძულებული იქნება მას არ დაურეგისტრიროს ბინა.

სხდომის დამთავრების შემდეგ ლ.გულუამ ისევ დაიწყო ყვირილი და ნერვები მოუშალა ამხანაგობის სხვა წევრებს. ამხანაგობის წევრებო, რით ვერ ისწავლეთ ამდენი წლის მანძილზე, რომ ამ ქალბატონების წივილ-კივილს ყურადღება არ უნდა მიაქციოთ. ძალაუნებურად ერთი ქართული ანდაზა შეიძლება გაგახსენდეთ _ „ძაღლი რაც უნდა გაწვრთნა, ყეფას მაინც არ მოიშლისო“.

ცოტა ხანში რეესტრშიც დავარეგისტრირებთ ბინებს. სასამართლო პროცესებიც დამთავრდება და ამ ე.წ. ბერუაშვილის დაქალებთან აღარ გექნებათ ურთიერთობა, გარდა მათი სართულის მეზობლებისა.

მორიგი საქმე სასამართლოში გვაქვს ა.წ.  3 ოქტომბერს, 16:30 საათზე, თბილისის საქალაქო სასამართლოში, დარბაზი # 65, თამრო ჩანქსელიანის საქმესთან დაკავშირებით. გამოცხადდება სასამართლო გადაწყვეტილება. ე.ი. იქნება მხოლოს გამოცხადება, ამიტომ დასწრება აუცილებელი არაა.

 მოგესალმებით ყველას,

სასიხარულო ინფორმაცია

სულ რამდენიმე წუთის წინ ხაშურის რაიონულმა სასამართლომ გამოაცხადა თავისი გადაწყვეტილება, რომლითაც არ დაკმაყოფილდა გოჩა ძასოხოვის ზმაკაცის საბაჰატდინ ილდიზის სარჩელი ჩვენ მიმართ.

მადლობა ქალბატონ ხათუნა გრიგალაშვილს, რომელმაც დოკუმენტირებულად და არგუმენტირებულად დაუსაბუთა სასამართლოს ს. ილდიზის მოთხოვნის აბსურდულობა.

აქვე შეგახსენებთ, რომ ხვალ,  30 სექტემბერს, თბილისის საქალაქო სასამართლოში, 16:30 საათზე გვაქვს პროცესი _ მ.აფხაძის საჩივართან დაკავშირებით. გაგრძელდება საქმის არსებითი განხილვა.

საკადასტრო კოდის აღებასთან დაკავშირებით გადასახდელ თანხებზე მეტს აღარ შეგახსენებთ. სიმართლე გითხრათ დავიღალეთ. უმჯობესია რეესტრს დაველაპარაკოთ და იმათმა მოგვცენ საგამონაკლისო ნებართვა, ვიდრე ეს თანხები შევაგროვოთ. შემდეგ, როდესაც მოგინდებათ საკადასტრო კოდის აღება და გაგიჭიანურდებათ, თქვენ თავს დააბრალეთ.

 მოგესალმებით მეგობრებო,

კიდევ ერთხელ მოგმართავთ თხოვნით დაუკავშირდეთ ამხანაგობის თავმჯდომარეს ან ქალბატონ ირა მგელაძეს (თსუ 1-ელი კორპუსი, ტ. 577 59 59 97). გადასახდელია თანხა საკადასტრო კოდის ასაღებად.

გადასახდელი დარჩა 25 ადამიანს.

საკადასტრო კოდი თქვენი ბინის რეგისტრაციისთვისაა საჭირო (იხ. 10 და 15 სექტემბრის ტექსტები).

არ დაგავიწყდეთ, რომ ჩვენ ვართ ამხანაგობა და გვაქვს სოლიდარული პასუხისმგებლობა. აქედან გამომდინარე ყველას თანაბრად ეხება საერთო საქმე.

შეგახსენებთ, რომ გვაქვს სასამართლო პროცესები. სასამართლო დავის წაგების შემთხვევაში პასუხისმგებლობა თანაბარწილად ნაწილდება. 

ამ ეტაპზე გველოდება შემდეგი:

1. 29 სექტემბერი, 13:00 საათი, ხაშურის რაიონული სასამართლო. ძასოხოვის ძმაკაცის ს.ილდიზის საქმეზე _ გამოცხადება.

2. 30 სექტემბერი, 16:30 საათი, თბილისის საქალაქო სასამართლო _ მ.აფხაძის საქმის არსებითი განხილვა. 

3. 3 ოქტომბერი, 16:30 საათი, თბილისის საქალაქო სასამართლო, დარბაზი # 65, თამრო ჩანქსელიანის საქმეზე _ გამოცხადება.

1. 

 მოგესალმებით,

10 და 15 სექტემბერს საიტზე დაიდო, ხოლო ვისი მეილებიც გვაქვს იმათ დამატებით შეგახსენეთ, რომ აუცილებელია ყველა ბინისთვის ამხანაგობის სახელზე საკადასტრო კოდის აღება. ამისთვის საჭიროა გარკვეული თანხის გადახდა. 

გთხოვთ, კიდევ ერთხელ გადახედეთ ამ ტექსტებს და დროულად გადაიხადეთ თანხა.

გუშინ ხაშურის რაიონულ სასამართლოში შედგა სასამართლო პროცესი გოჩა ძასოხოვის |თურქი ბიზნეს მეგობრის _ საბაჰატდინ ილდიზის სარჩელთან დაკავშირებით.

მოგახსენებთ ფაქტობრივ გარემოებებს. როგორც გახსოვთ, ჩვენ გავიმარჯვეთ ძასოხოვთან. მან გადაწყვიტა, რომ გააგრძელოს დავა, მაგრამ იმის გამო, რომ იმავე საგანზე, იმავე მხარეებს შორის ახალი დავის წარმოება შეუძლებელია, გადაწყვიტა, რომ მისი პარტნიორის სახელით მოახდინოს ეს. ს.ილდიზი ითხოვს 2 800 000 აშშ დოლარს (იგივე თანხას, ცოტა მეტს ითხოვდა ჩვენგან. იგივე თანხას სთხოვდა კომპანია „თბილისს“ და „თბილისის“ გაკოტრების საქმეში ჩართულია მე-6 თუ მე-7 რიგის კრედიტორად).

კერძოდ, ს.ილდიზმა გვიჩივლა ჩვენ, ვითიბი ბანკსა და გ.ძასოხოვს. სასამართლოს ყადაღა დაადებინეს ჩვენ ქონებაზე. ეს ყადაღა მოვახსნევინეთ თბილისის სააპელაციო სასამართლოს. ძასოხოვისგან არაფერს ითხოვს.

ილდიზის წარმომადგენელმა _ ც.დევრისაშვილმა განაცხადა, რომ ილდიზმმა ხელზე, „ქეშად“, ყოველგვარი დოკუმენტის, მიღება-ჩაბარების ან უბრალოდ ქაღალდის ნაგლეჯზე ხელმოწერის გარეშე გადასცა გ.ძასოხოვს 1 500 000 აშშ დოლარი ჩვენი ბინის ასაშენებლად. ძასოხოვმა კი, ამ ფულით თ.ჩარკვიანს მოახსნევინა იპოთეკა.

პროცესი ხაშურში ძალიან დიდხანს გაგრძელდა. როგორც ყოველთვის ბრწყინვალე იყო ჩვენი წარმომადგენელი ხათუნა გრიგალაშვილი. ბანკის წარმომადგენლებიც დაეთანხმნენ ქალბატონ ხათუნას და თავის მხრივ ეკონომიკურ-ფინანსური კუთხით განიხილეს ილდიზის სარჩელის აბსურდულობა.

ილდიზისა და ძასოხოვის წარმომადგენლები ერთ პოზიციაზე იყვნენ და შეხმატკბილებული გამოდიოდნნენ ჩვენ წინააღმდეგ (არადა ძასოხოვი ვითომ მოწინააღმდეგე მხარე იყო). ზასოხოვის წარმომადგენელი ყველაფერში ეთანხმებოდა ილდიზის წარმომადგენელს. მოიფიქრეს მოწმის მოყვანაც. მოწმედ გამოცხადდა იმ დროინდელი ვითიბი ბანკის სამეთვალყურეო საბჭოს თავმჯდომარე ზაზა სიორიძე.

მან განაცხადა, რომ კარგად ახსოვს ძასოხოვის (მისი მეგობრის), ილდიზისა და ჩარკვიანის ვიზიტი ბანკში. მისი გამოსვლა ძალიან ჰგავდა წინასწარ მომზადებული ტექსტის წაკითხვას. რამდენიმე შეცდომა მაინც დაუშვა: 

1. ხ.გრიგალაშვილის კითხვაზე, თუ რა სიმაღლის იყო ს.ილდიზი, მან განაცხადა, რომ საშუალო ან საშუალოზე დაბალი. 10 წუთის წინ კი, ილდიზის წარმომადგენელმა განაცხადა, რომ ის მაღალია, საშუალოზე გაცილებით მაღალი.

2. ხ. გრიგალაშვილის ერთ-ერთ კითხვაზე, ისე, რომ ჯერ კითხვა დასმული არ იყო, ზ. სიორიძემ დაწყებისთანავე უპასუხა საკმაოდ გაბრაზებული და მკაცრი ტონით. როდესაც ქ-მა ხათუნამ უთხრა, რომ ჯერ კითხვა არ დამისვამს და როგორ მპასუხობთო, სიორიძემ განაცხადა, რომ ვიცი რაც უნდა მკითხოთო.

მოკლედ, ზ.სიორიძე სავარაუდოდ კაერგად იყო დატრენინგებული, თუმცა მისი ჩვენებით ვერც ის დამტკიცდა, რომ ძასოხოვს ილდიზმმა მისცა ფული და ვერც ის, რომ ეს ფული მოხმარდა ჩვენი სახლის მშენებლობას.

ქალბატონმა ხათუნამ სასამართლოს განუცხადა, რომ თუ ეს მართლაც ასეა, რომ 1,5 მილონი დოლარი ასე ხელიდან ხელში, ყოველგვარი გაფორმების გარეშე და საზღვარზე უდეკლარაციოდ შემოტანის გამო წარმოადგენს თაღლითობას, ფულის გათეთრებას და ა.შ. სისხლის სამართლის კოდექსის შესაბამისად.

პროცესი დამთავრდა. იმედი ვიქონიოთ, რომ ჩვენ გავიმარჯვებთ.

გადაწყვეტილების გამოცხადება ხაშურის რაიონულ სასამართლოში 29 სექტემბერს, 13 საათზე.