ძვირფასო მეგობრებო,

გთავაზობთ შენებლობის ქრონიკას.

ტემპი საკმაოდ მაღალია. მასალების მარაგი 1-1.5 თვის გვაქვს. იმედია უკრაინის ომი მალე დამთავრდება და უკრაინელები ისევ ლაღად იცხოვრებენ.

თავად შეგიძლიათ შეადაროთ დღევანდელი ფოტოები 1 კვირის წინანდელს.

დაწყებულია ბოძების სიმაღლეში აყვანა. მიმდინარეობს „ა“, „ბ“ და „გ“ სადარბაზოების ბოძებში ბეტონის ჩასხმა.

„ა“ სადარბაზოს ადგილზე უკვე გაშრა კიდეც და ყალიბიც („აპალოვკაც“) მოიხსნა:

პარალელურად მოდის ბეტონამრევი მანქანები და ისხმება ბეტონი „ბ“ და „გ“ სადარბაზოების ყალიბებში:

სიმაღლეში მატულობს ბოძების არმატურა „ზ“ სადარბაზოს ადგილზე:

თითქმის დამთავრდა არმატურის დაგება და შემოიღობა „თ“ და „ი“ სადარბაზოების ტერიტორია ფილის („პლიტის“) დასაგებად:

დამთავრდა ხიმინჯების ჩასმა „კ“ სადარბაზოს ადგილზე. ბოლო სადარბაზოებისთვის თითქმის ბოლომდეა ბეტონის ორმოების ამოთხრა მიყვანილი.

ხიმინჯების ჩამდები „ბაუერი“ თითქმის ბოლოშია გასული:

როგორც კი გაიწმინდება ყიფშიძის მხრიდან ჩამოსასვლელი დროებით შექმნილი ყოფილი გზა , ამ ადგილზეც („დ-ს“ ნაწილი, „ე“ და „ვ-ს“ ნაწილი) დაიწყება ხიმინჯების ჩასმა:

ამხანაგობის წევრები ხშირად კითხულობენ სასამართლოში საქმის მდგომარეობას.

სასამართლოში დავები ასე სწრაფად არ თავდება. თუ რაიმე სიახლე იქნება აუცილებლად შეგატყობინებთ.

ერთი სიახლეა ის, რომ საჩივარი გ.ძასოხოვის წინააღმდეგ პროკურატურაში შეტანილია. ველოდებით პროკურატურის გადაწყვეტილებას საქმის აღძვრის შესახებ.

გთავაზობთ ვიდეო ჩანაწერებსაც: