მოგესალმებით ყველას და გილოცავთ გაზაფხულის დადგომას

1 თებერვლის ამხანაგობის კრების შემდეგ, მიუხედავად მრავალგზისი ახსნისა, მაინც ისმის რამდენიმე კითხვა, რომელზეც კიდევ ერთხელ შეგახსენებთ:

1. კრებაზე იმიტომ არ იყო ავტოსადგომებზე საუბარი, რომ 1 ავტოსადგომი ეკუთვნის ყველას და ამის მუდმივად გამეორება საჭირო არაა.

2. ყველას აქვს 122-123 და 142 კადრატული მეტრი, ნაცვლად 120-სა და 140-სა. მე-6 („ზ“) სადარბაზოში უფრო მეტი.

3. ბინის ფართს ნუ ითვლით ოთახების ფართების ერთმანეთზე მიმატებით. ასე ნაკლები გამოვა. უნდა გამოითვალოთ საერთო ფართი შიდა კედლების (ტიხრების) გარეშე. ფართობი გამოითვლება სიგრძისა და სიგანის ერთმანეთზე გადამრავლებით. არ გეწყინოთ, მაგრამ ფართობის გამოთვლას მე-5 კლასში ასწავლიან .

ასე, რომ ამ საკითხებზე ნუ მიდიხართ გაყიდვების ოფისში.

გაყიდვების ოფისში შეგიძლიათ ნახოთ სადარბაზოში გასასვლელი კარის ნიმუში.

კიდევ უფრო მეტი სიცხადისთვის  გაგიმეორებთ სადარბაზოს ნომრების შესაბამისობას 2005 წლიდან დღემდე და გთავაზობთ მეორე ცხრილს ნიშნულთან დაკავშირებით:

Bsadarbazos 2005 wlis droindeli nomeri	B`gumbaTis~ mier gadanomrili sadarbazo	სadarbazos amJamindeli nomeri
ა	1	11
ბ	2	კომერციული
გ	3	10
დ	4	9
ე	5	8
ვ	6	7
ზ	7	6
თ	8	5
ი	9	4
კ	10	3
ლ	11	2
მ	12	1

 

 

სართული და ნიშნული

 

სადარბაზო ბოლო გადანომრვით	სართული	ნიშნული:   მანძილი მიწიდან
1, 2, 3, 4, 5, 6, 7, 8, 9	2	+ 9.700
1, 2, 3, 4, 5, 6, 7, 8, 9	3	+ 13.050
1, 2, 3, 4, 5, 6, 7, 8, 9	4	+ 16.400
1, 2, 3, 4, 5, 6, 7, 8, 9	5	+ 19.750
1, 2, 3, 4, 5, 6, 7, 8, 9	6	+ 23.100
1, 2, 3, 4, 5, 6, 7, 8, 9	7	+ 26.450
1, 2, 3, 4, 5, 6, 7, 8, 9	8	+ 29.800
1, 2, 3, 4, 5, 6, 7, 8, 9	9	+ 33.150

 

გთავაზობთ დღევანდელ ფოტოებს.

ბოლო 2 კვირის მანძილზე 1-ლი და მე-2 სადარბაზოებისთვის აშენდა 3 სართული, ხოლო მე-3 სადარბაზოსთვის სიმაღლეში მშენებლობა დამთავრდა:

ინტენსიურად მიმდინარეობს ბეტონის შასხმა:

მე-4-მე-6 სადარბაზოებისთვის დამთავრდა მეტალო-პლასტიკის გარე ფანჯრების დაყენება. აქ გრძელდება შიდა სამუშაოები:

ასეთივე შიდა მშენებლობა მიმდინარეობს მესამე პირების კორპუსში:

მე-7-მე-9 სადარბაზოებისთვის დამთავრების სტადიაზეა მე-14 სართული:

ხედი „კარფურის“ მხრიდან:

ხედი ყიფშიძის ქუჩიდან:

ხედი ილია ჭავჭავაძის გამზირის მხრიდან:

 ერთი საკითხის შესახებ

როგორც მოგეხსენებათ ამხანაგობის წევრებს ეკუთვნოდა 120 და 140 კვ.მ.

საბოლოოდ გამოვიდა, რომ 120-იანებს ეკუთვნის 122 ან 123 კვ.მ., ხოლო 140-იანებს 142 კვ.მ.; რაც შეეხება მე-6 („ზ“) სადარბაზოს იქ პროექტი შეიცვალა და სულ რამდენიმე წევრი დარჩა. ბინები გამჭოლი არაა, სამაგიეროდ მოემატათ ფართი, რომლისთვისაც (მომატებულ ფართში) გადაიხდიან ინვესტორთან შეთანხმებულ თანხას. 

 მოგესალმებით,

გუშინ გაიმართა სასამართლო სხდომა მანანა აფხაძის სარჩელის გამო.

როოგორც მოგეხსენებათ, ამ ქალბატონმა განაცხადა, რომ თურმე მხოლოდ ის აკეთებდა საქმეს და ჩვენ უნდა ავუნაზღაუროთ 231 132 ლარი + 7812 $, რაც ჯამში 90 000 $ წარმოადგენს.

სამწუხარო ისაა, რომ ამას ეთანხმებიან ჩვენი ამხანაგობის წევრები _ ლ.გულუა, თ.ონიანი და ლ.ბერუაშვილის შვილი. 

სასამართლოს დაწყებამდე და პროცესის დროს ლ.გულუა ისე ყვიროდა და მოზღვავებული ენერგიით აქტიურობდა, რომ თვითონ მ.აფხაძეც განცვიფრებული უყურებდა.

ამ ეტაპზე, მიმდინარეობს მტკიცებულებათა წარდგენა და შუამდგომლობების დაყენება.

ჩვენ მოვიპოვეთ გამგეობის სხდომის ჩანაწერი, რომელიც იმით განსხვავდება აფხაძის მიერ წარმოადგინილ იგივე დოკუმენტისგან, რომ ჩვენ დოკუმენტში გამგეობის 13 წევრიდან ხელს აწერს 6 წევრი, ხოლო აფხაძის დოკუმენტსი ჩადამატებულია პ.ჩაგელიშვილის ხელმოწერა (კვორუმისთვის).

ჩვენ დავაყენეთ მოთხოვნა კალიგრაფიული ექსპერტიზის ჩატარებაზე, რაც სასამართლომ დააკმაყოფილა. ამასთან წარვადგინეთ პ.ჩაგელიშვილის ხელმოწერები სხვადასხვა დოკუმენტებზე.

მ.აფხაძემ თავის მართლება დაიწყო იმით, რომ მას დოკუმენტის დედანი 2024 წელს გადასცა ლ.ბერუაშვილის შვილმა.

თქვენ ყველას კარგად გახსოვთ, 2017 წლიდან მოყოლებული, თუ როგორ ვთხოვდით ხ.რუხაისა და ლ.ბერუაშვილს მათ ხელთ არსებული დოკუმენტების გადმოცემას, თუმცა პასუხად ვიღებდით უარს ორივესგან _ თითქოს არავითარი დოკუმენტები არ აქვთ. ქალბატონმა ლიამ ბოლოს ისიც განაცხადა, რომ მაქვს და არ გაძლევთო.

ამის საპირისპიროდ, უკვე მისი შვილი, სასამართლოში ჩვენ მოწინააღმდეგე მხარეს ამარაგებს სხვადასხვა, მათ შორის 12-14 წლის შემდეგ (სავარაუდოდ პ.ჩაგელიშვილის გარდაცვალების შემდეგ) ჩამატებული ხელმოწერილიანი დოკუმენტით.

ქალბატონი გულუა გაიძახის, რომ შევუგროვოთ აფხაძეს 500-500 აშშ დოლარიო.

შეგახსენებთ, რომ ქალბატონმა ხათუნა გრიგალაშვილმა ისტორიული გამარჯვება მოიპოვა ძასოხოვზე სამივე ინსტანციის სასამართლოში და მას სასამართლომ 1000 ლარის ოდენობით აუნაზღაურა.

აფხაძის საქმეზე სასამართლო პროცესი გაგრძელდება ექსპერტიზის დასკვნის წარმოდგენის შემდეგ.

იქამდე სხვა პროცესებიც გვაქვს.

სამწუხაროა, რომ სულ 5-6 ადამიანი ესწრებოდა ჩვენი მხრიდან (გულუა, ონიანი და ბერუაშვილის შვილი მოწინააღმდეგე მხარესაა).

ეს პროცესები თქვენც გეხებათ მეგობრებო. თქვენ შვილებს და შვილიშვილებს ვისაც უტოვებთ ამ ბინებს.

მადლობა იმახალგაზრდებს, რომლებიც მოვიდნენ პროცესზე და ჩაერთვნენ თავიანთი, საკუთარი ბინის მიღების ბრძოლაში, განსხვავებით იმ მომავალი თაობისა, რომლებსაც 1 თებერვლის კრებაზე ხელმოწერის რიგში ჩადგომაც კი არ სურდათ დროის სიმწირის გამო. ეს იმ დროს, როცა მხცოვანი პროფესორები იდგნენ რიგში.

ეტყობა ამაზე უფრო მნიშვნელოვანი საქმეები აქვთ.

როდესაც დაინიშნება სასამართლო პროცესი შეგატყობინებთ.

 მოგესალმებით მეგობრებო,

1 თებერვალს ჩატარებული საერთო კრების შემდეგ ამხანაგობის ძალიან ბევრმა წევრმა გადაიფიქრა ბინების გაყიდვა. ამავე დროს გაიზარდა მყიდველების ოდენობა. ეტყობა ხვდებიან, რომ რამდენიმე თვეში ბინის ფასი მოიმატებს.

ზოგიერთს სურს ბინების გაყოფა. კიდევ ერთხელ შეგახსენებთ, რომ ამ ეტაპზე პროექტის ასეთი ცვლილება შეუძლებელია. 

ზოგიერთის სურვილია ქვედა სართულიდან ზედა სართულზე გადასვლა. ეს საკითხი უშუალოდ ამ ორი ოჯახის შეთანხმების სფეროა, თუმცა ზემოდან ქვემოთ ჩამომსვლელი (გაცვლით ან თანხის დამატებით) ჯერ არ სჩანს.

1 თებერვლის კრებაზე გაჟღერებული განშლა დარჩება იგივე, გარდა ბინის ნომრისა.

ბინის დანომრვასთან დაკავშირებით, მერიის უახლესი მოთხოვნის შესაბამისად,ალბათ შეიცვლება ასე _ არა ყველა სადარბაზოსთვის ბინის # 1-დან დაწყება, არამედ უწყვეტად გაგრძელება 1-ლი სადარბაზოდან ბოლო სადარბაზოს ჩათვლით.

კიდევ ერთხელ შეგახსენებთ, რომ ამ კვირაში გვაქვს სასამართლო მ.აფხაძის სარჩელთან დაკავშირებით.

სასამართლო პროცესი ჩატარდება თბილისის საქალაქო სასამართლოში 2025 წლის 20 თებერვალს, 11:00 საათზე, 54-ე დარბაზში.

გთავაზობთ დღევანდელ ფოტოებს.

1-ლი („მ“) და მე-2 („ლ“) სადარბაზოებისთვის დამთავრდა მე-16 სართულის მშენებლობა და დაიწყო მე-17 სართულის სამუშაოები. დარჩა 2 სართული, მსგავსად მე-6 („ზ“) სადარბაზოსი:

მე-3 სადარბაზოს სიმაღლეში მშენებლობა დამთავრდა და მიმდინარეობს სახურავზე ლიფტის შახტის გაკეთება:

ყველა სადარბაზოში მუხლჩაუხლელად გრძელდება შიდა სამუშაოები, მათ შორის მესამე პირების ლოკაციაზე:

მე-7 („ვ“), მე-8 („ე“) და მე-9 („დ“) სადარბაზოებისთვის დამთავრების სტადიაზეა მე-13 სართულის მშენებლობა. ამავე დროს, დღეს ისხმებოდა ბეტონი მე-14 სართულისთვის:

ჩვენი თხოვნით მოგვაწოდეს რამდენიმე კადრი მშენებლობიდან (ფოტოები გადაღებულია მე-9 („დ“) და 1-ლი („მ“) სადარბაზოებიდან).

მართალია ეზოში სამშენებლო ქაოსია, მაგრამ დაახლოებით შეგიძლიათ წარმოიდგინოთ ხედი, თქვენი ფანჯრებიდან ეზოს მხარეს:

ჩვენი მშენებლობა აბულაძის ქუჩიდან:

1-ელი-მე-6 სადარბაზოს მხრიდან ყიფშიძის ქუჩაზე გასასვლელი გზა ავტოსადგომებიდან:

ხედი „კარფურის“ მხრიდან:

:რაკურსი ყიფშიძის ქუჩიდან:

შეხსენება: სასამართლო პროცესი ჩატარდება თბილისის საქალაქო სასამართლოში 

2025 წლის 20 თებერვალს, 11:00 საათზე, 54-ე დარბაზში.