მოგესალმებით,
გილოცავთ ანდრია პირველწოდებულის დღეს!
სასამართლო პროცესი ჩატარდა. გარდა ნუგზარ ივანიძისა კიდევ 5 ადამიანი ესწრებოდა. აუცილებელი არაა ბინის მესაკუთრე მოვიდეს. გამოგზავნეთ ოჯახის სხვა წევრები თუ თქვენ ვერ ახერხებთ.
როგორც ყოველთვის ბრწყინვალედ გამოვიდა ხათუნა გრიგალაშვილი.
სრულიად ტყუილები ილაპარაკა ძასოხოვის ადვოკატმა.
შეიძლება ჩვეულებრივმა ადამიანმა არ იცის, მაგრამ იმდენი სამართლებრივად ერთმანეთის საწინააღმდეგო ქმედებებზე ისაუბრა, რომ თვითონაც აებლანდა მოსაზრებები. ბოლოს სასამართლოსთვის წარდგენი ტექსტი წაიკითხა, დროის გახანგრძლივებისთვის.
სააპელაციო სასამართლოს შემდეგ სხდომაზე განხილული იქნება მტკიცებულებები და როგორც გაცხადდა დამთავრდება კიდეც სასამართლო განხილვა.
სხდომა შედგება 21 მაისს, 13 საათხე, # 11 სხდომის დარბაზში.
სიმბოლურია, რომ ამ დღეს არის ჩვენი ადვოკატის _ ხათუნა გრიგალაშვილის დაბადების დღე.
ბინების და ავტოსადგომების რეგისტრაციასთან დაკავშირებით ასეთი მდგომარეობაა. ბინების რეგისტრაციაზე განაცხადები ყველა შეტანილია. ჯერ კიდევ მოდის პასუხები. თითქმის ყველას ბინას არეგისტრირებენ ამხანაგობის სახელზე. თუმცა რამდენიმეს, მათ შორის მეც უარი მითხრეს. ამის თაობაზე შეტანილია საჩივარი. სავარაუდოდ რამდენიმე დღეში ბინების რეგისტრაცია უნდა დამთავრდეს.
სამშუხაროდ, გარკვეული შეცდომები აღმოვაჩინე რეესტრის გადაწყვეტილებებში. არეულია კოდები, არასწორადაა მითითებული განაცხადის ნომერი და სხვ.
რაღაც დრო დასჭირდება რეესტრის შეცდომების გასწორებასაც.
ყველა აღმოჩენილ მათგანზე (ამ ეტაპზე 25 განცხადება) შეტანილია განცხადება გამოსწორების შესახებ. 13-ში კიდევ 10 იქნება შესატანი.
წინასწარ ძნელია თქმა, მაგრამ რეესტრიდან დარეგისტრირებაზე, ახალ-ახალი შეცდომის გამოსწორებაზე ალბათ ეს კვირა დაგვჭირდება.
პარალელურად კეთდება დარეგისტრირებული ბინებისა და ავტოსადგომების სია. ეს სია უნდა დამტკიცდეს ამხანაგობის გამგეობაზე.
გარდაცვლილ ადამიანზე რეგისტრაცია არ ხდება. ზოგიერთს არ აქვს წარმოდგენილი სამკვიდროს დედანი. ამ დოკუმენტის წარდგენაზე ბევრჯერ გთხოვეთ. ჩემი ბინისთვის კი არა თქვენი ბინისთვის. მეტს ამაზე აღარ დავწერ, ალბათ, თქვენ უკეთესად იცით.
ზოგიერთს აქვს რწმუნება. რწმუნებულს ჩვენ ვერ ჩავთვლით მესაკუთრედ. შემდეგ, რეესტრში მიიტანეთ რწმუნება და იმათმა განსაზღვრონ მესაკუთრედ დარეგისტრირების საკითხი.
კედევ ერთხელ _ არავითარ ვადას აღ გეუბნებით, რადგან ვადის გასვილთანავე იწყება საათიანი ახსნა-განმარტებები თითოეულ თქვენგანთან. ამის დრო ნამდვილად არ მაქვს _ თქვენსავე ბინებზე და ავტოსადგომებზე ვმუშაობ.
ნამდვილად არ ველოდი საჯარო რეესტრის ამდენ შეცდომას.
მე თვითონ შეგატყობინებთ სიახლეებს. დარეკვა საჭირო არაა.
ზოგიერთმა ისევ დაიწყო წუწუნი, რომ კვდება და ა.შ.
ამ არგუმენტით საქმე ვერ დაჩქარდება _ ყველასი ერთად კეთდება. გარდა ამისა დიდი ხანია აგიკრძალეთ სიკვდილი _ ეს მაინც შეასრულეთ.
ამხანაგობის თავმჯდომარე
მოგესა;მებით ყველას,
ცოტა მკაცრი წერილის გამოგზავნა გამომივიდა, მაგრამ სჯობს წერილით საყვედური, ვიდრე ტელეფონით.
2 კვირაზე მეტია დილიდან საღამომდე საჯარო რეესტრში ვარ, შემდეგ სახლში ვაგრძელებ დოკუმენტების მომზადებას ღამის 2-3 საათამდე და ნამდვილად არ მცალია საათობით თქვენთან საუბარზე და დეტალების მემილიონედ ახსნა-განმარტებაზე. ამასთან ზოგიერთი უსაფუძვლო პრეტენზიებით იწყებს კრიტიკას და ლანძღვას.
49-ე წელია გრძელდება მშენებლობა და ასეთი რა მოუთმენელი დაგემართათ, რომ რამდენიმე კვირა ან თვე ვერ მოგითმენიათ?
ამხანაგობა არის სოლიდარული მმართველობის გაერთიანება, რაც ნიშნავს იმას, რომ პასუხისმგებლობაც სოლიდარულია.
სოლიდარული და არა მარტო ამხანაგობის თავმჯდომარის. თავი დავანებოთ იმას, რომ გარდა 1-2 ადამიანისა, არავის მოსვლია თავში დახმარების შემოთავაზება. სამსახურში მეც ვმუშაობ და უსაქმურად ნამდვილად არ დავეხეტები ზოგიერთივით. უფრო მეტიც, იმის მოსმენაც არავის უნდა თუ რა ეტაპები დაგვრჩა გასაკეთებელი.
თუ რაიმე ვადას ვიტყვი და არ დაემთხვევა (სხვების მიზეზით), საყვედურების ნიაღვარი მოდის სატელეფონო საუბრებზე.
ამხანაგობა სოლიდარული ქმედების ინსტიტუტია, თუმცა სასამართლო სხდომებზე მხოლოდ მე, ადვოკატი ხათუნა გრიგალაშვილი და ნუგზარ ივანიძე ესწრება. ბატონი ნუგზარიც იღებს ბინას, მაგრამ მოდის პროცესზე, მიუხედავად იმისა, რომ სულ ცოტა ხნის წინ შვილი გარდაეცვალა.
ხუთშაბათს 7 მაისს. 11:00 საათზე (სხდომის დარბაზი # 15) გვაქვს სასამართლო პროცესი სააპელაციო სასამართლოში (დიღომი, პოლიციის სამმართველოს გვერდით) ძასოხოვის ძმაკაც საბაჰატდინ ილდიზთან.
პროცესი და შედეგი ეხება ყველას და არა მარტო 2 ადამიანს.
ბინის დოლარებზე გადაანგარიშებაზე და ფინანსური და საბინაო პირობების გაუმჯობესებაზე ფიქრები სასამართლო გადაწყვეტილების შედეგებზეცაა დამოკიდებული.
პროცესზე ვნახავთ როგორი სოლიდარული პიროვნებები ბრძანდებით.
სხვა ინფორმაცია 1 კვირის შემდეგ.
ამხანაგობის თავმჯდომარე
მოგესალმებით,
გუშინ დავიწყეთ ბინების რეგისტრაცია ამხანაგობის სახელზე. შევიტანეთ განცხადებები და 22 ბინაზე გადავიხადეთ შესაბამისი თანხა, რაც თქვენგან იქნა აკრეფილი. 2 ოჯახს დარჩა გადასახდელი და ისინიც გვპირდებიან, რომ გადაიხდიან ამ დღეებში.
კვლავ ვერ ვპოულობთ თეიმურაზ ბურჭულაძეს და მის ოჯახს. იქნებ ვინმემ იცით მის შესაზებ. შეგვატყობინეთ.
განაცხადების შეტანა პერმანენტულად მოცდება. გუშინდელ 22 განაცხადზე 4 საათზე მეტი დაიხარჯა საჯარო რეესტრში.
ვფიქრობ, საერთო ჯამში _ ბინები + ავტოსადგომების ამხანაგობაზე დარეგისტრირებას 2 კვირა, შეიძლება ოდნავ მეტი დასჭირდება.
შემდეგ გადავალთ ინდივიდუალურ დარეგისტრირებაზე.
ყინული დაიძრა. გავედით ფინიშის სწორზე.
მალე დამთავრდება თითქმის 50-წლიანი ეპოპეა.
სულ უფრო ლამაზდება ჩვენი სახლი _ როგორც საპატარძლო გათხოვების წინ.
გთავაზობთ გუშინ საღამოს გადაღებულ ფოტოებს.
მოგესალმებით მეგობრებო,
დღევანდელი სიახლე.
სულ ცოტა ხნის წინ დამთავრდა სააპელაციო სასამართლოს დღევანდელი სხდომა.
საბაჰატდინ ილდიზი და გოჩა ძასოხოვი ცდილობენ მაქსიმალურად გააჭიანურონ საქმე.
მოითხოვეს განხილვის 3 თვით გადადება.
როგორც მოგეხსენებათ, ხაშურის სასამართლომ VTB ბანკს დააკისრა 7 მილიონ აშშ დოლარამდე გადახდა საბაჰატდინ ილდიზის სასარგებლოდ, თუმცა ჩვენ მიმართ უარი უთხრა მოთხოვნაზე.
მიუხედავად ამისა, მაინც შემოიტანა ჩვენ წინააღმდეგ.
ცალკე ბანკმა შეიტანა სააპელაციო საჩივარი.
რამდენიმე საათიანი განხილვის შემდეგ, სასამართლომ გადადო სხდომა ა. წ. 7 მაისისთვის. შესაბამისად შემდეგი სხდომა გაიმართება სააპელაციო სასამართლოში 7 მაისს. 11:00 საათზე, სხდომის დარბაზი # 15.
სიახლე # 2
მშენებლობიდან მოხსნილია ყვითელი ამწე და გატანილია.
მალე მეორე ამწეც მოიხსნება.
სიახლე # 3
კიდევ ერთმა ადამიანმა გვიჩივლა _ ზაალ უდუმაშვილი (ჟურნალისტი)
სიახლე# 4
იმ კვირიდან (სამშაბათი, ოთხშაბათი) ვიწყებთ ბინების და ავტოსადგომის დარეგისტრირებას ამხანაგობის სახელზე, რადგან თბილისის მერიის თანხმობა, რასაც რეესტრი და ჩვენ ველოდით მოვიდა.
ამხანაგობის სახელზე დასარეგისტრირებლად გადასახდელი თანხები გადახდილი გაქვთ. ინდივიდუალურად დასარეგისტრირებელ თანხას თვითონვე გადაიხდით.
ამხანაგობაზე დარეგისტრირების შემდეგ გადავალთ ინდივიდუალურ დარეგისტრირებაზე (აპრილის ბილო დღეები და მაისის პირველი რიცხვები).
ინდივიდუალურად, პირველ ეტაპზე დაურეგისტრირდება იმათ ვინც ფინანსთა სამინისტროს მიერ ვალის აღიარების წერილში მითითებულია და თავის სახელზე ირეგისტრირებს ბინას.
მეორე ეტაპზე _ ის ვინც ამ სიიდან დღესაც ჯანმრთელადაა, მაგრამ არეგისტრირებენ სხვის (შვილი, შვილიშვილი და სხვ.) სახელზე ცესიის ან ნასყიდობის ხელშეკრულებით.
მესამე ეტაპზე სიიდან გარდაცვლილი პირის მემკვიდრეებზე.
9 მაისისთვის თუ არა 26 მაისისთვის ბინის მესაკუთრეები იქნებით.
ბინის დარეგისტრირება არ ნიშნავს, რომ პასუხისმგებლობა მოხსნილი გექნებათ. ასე, რომ ყველა სასამართლო პროცესი თქვენ გეხებათ. საერთო გადასახადებიდან არ თავისუფლდებით და ა. შ.
გამგეობის წევრები ვალდებული იქნებიან როგორც კი საჭირო იქნება ჩაატარონ სხდომა, რათა არ შეწყდეს ეფექტიანი მუშაობა და დროულად მოხდეს ბინების დარეგისტრირება.
49-ე წელია მშენებლობის. რა არ გადაგვხვდა, რამდენ სიგიჟეს გავუძელით.
მარტო 2017 წლის ბოლოს არჩეულ გამგეობას როგორ უშლიდა ზოგიერთი ხელს და აყოლილი იყვნენ სხვები. როგორ გვიციოდით პროკურატურაში, ფინანსურ პოლიციაში, საგადასახადოში, აღსრულების სამსახურში, მერიაში და სხვ. ამის გამო, 2020 წლამდე ვერ დავიწყეთ მშენებლობა.
გაიხსენეთ 2017 წლამდე ლანძღვა-გინება, წყევლა და ცილისწამება, მხოლოდ იმიტომ, რომ ერთი ბინით მეტი მიეღო ზოგიერთს.
გაიხსენეთ, რომ თითქმის დაკარგული იყო ჩვენი ბინები და ამაში ბევრ თქვენგანს მიუძღვის წვლილი. 2-3 კაცს ნუ გადააბრალებთ. იმ 2-3 ადამიანს უსიტყვოთ უჯერებდით და საერთო საქმის საწინააღმდეგო ქმედებებს ახორციელებდით.
ამიტომ, მიდით ეკლესიაში და ბოდიში მოიხადეთ ღმერთის წინაშე, ამხანაგობის იმ გარდაცვლილი წევების სულების წინაშე, ვინცვერ მოესწრო მშენებლობის დამთავრებას, იმ ხალხის წინაშე ვინც სტუდენტობიდან მოყოლებული პენსიაში გასვლამდე, დღემდე სტუდქალაქში ცხოვრობს და ყველა სხვა ადამიანის წინაშე, ვინც ათეული წლების წინ გეგმებს აწყობდა და დღემდე ვერ აუსრულებიათ სურვილები.
გისურვებთ წარმატებებს!
გილოცავთ!
ველოდებით მერიისგან თანხმობას.
ამის შემდეგ ფორსირებულად წავა ყველაფერი.
რაც შეეხება სხვა სიახლეს, ადრეც გამოქვეყნდა და ეხლა შეგახსენებთ, რომ
16 აპრილს, ხუთშაბათს, 11 საათზე, # 15 სხდომათა დარბაზში გვაქვს სასამართლო პროცესი ძასოხოვის თურქი ძმკაცის სიბაჰადტინ ილდიზის საჩივარზე ჩვენსა და ვტბ ბანკის წინააღმდეგ თბილისის სააპელაციო სასამართლოში (პოლიციის სამმართველოს გვერდით, რომაქიძის პროსპეკტთან).
ფაქტიურად ეს იგივე ძასოხოვია.
გელით.
მოგესალმებით მეგობრებო,
რეესტრმა დაასრულა შემოწმება.
ერთადერთი, რაც მოითხოვეს, ესაა მერიისგან ახალი ნებართვა.
როგორც მერიაში განუცხადეს ჩვენ ინვესტორს, მიუხედავად იმისა, რომ აქვთ 1 თვე საპასუხოდ, შეეცდებიან უფრო ადრე გასცენ ეს დოკუმენტი.
იდეალური იქნება აღდგომამდე, ვნახოთ.
ამრიგად, ველოდებით მერიიდან პასუხს. პასუხის მიღებისთანავე ვიწყებთ ამხანაგობის სახელზე რეგისტრაცია, ხოლო შემდეგ ინდივიდუალურს.
გარდა ამისა, არის კიდევ ერთი სიახლე _ თბილისის სააპელაციო სასამართლოში ა.წ. 16 აპრილს, 11 საათზე, # 15 სხდომათა დარბაზში ჩატარდება სასამართლო პროცესი ძასოხოვის თურქი ძმკაცის სიბაჰადტინ ილდიზის საჩივარზე ჩვენსა და ვტბ ბანკის წინააღმდეგ.
შეგახსენებთ, რომ ამ საქმეში ხაშურის სასამართლომ ჩვენ გაგვამართლა, ხოლო ბანკს 7 მილინი დოლარის დაკისრება დაავალა. ბანკმაც უჩივლა საკასაციო სასამართლოში.
ვიტოვებთ იმედს, რომ მოხვალთ სასამართლოზე, ისინიც კი, ვისაც ნოტარიულად დამოწმებული სამკვიდროს ან უფლების დათმობის დოკუმენტების მოტანაც კი ეზარება.
იმედია ამ დროისთვის მერიის პასუხიც იქნება.
ამხანაგობის თავმჯდომარე
