ბაგები 502-ის წევრებს,

ძვირფასი წევრებო. მესამე დღეა თქვენ მიერ ხორციელდება სატელეფონო ზარები კომპანია გუმბათში და ეუბნებით, რომ სანდრო ჯორბენაძემ მოგვცა თქვენი ტელეფონი და ასე გვითხრა დაურეკეთო, ხელშეკრულებაზე ხელის მოსაწერად.

მე სულ ორ ადამიანს ვუთხარი, ისიც იმიტომ, რომ უცხოეთში მიდიან საცხოვრებლად, ამასთან, მათი კომპანიაში მისვლა შევუთანხმე თვითონ კომპანიას.

100-მდე ადამიანი ყოველდღე ურეკავს და ფაქტობრივად პარალიზებას უკეთებს კომპანიის სამსახურს.

მე გითხარით, რომ დაგიკავშირდებიან, რაც იმას ნიშნავს, რომ თვითონ დარეკავენ, თვითონ შეგეხმიანებიან. ყველას ფართებს ცალკე გადიან, იხილავენ და ადარებენ ახალ პროექტს. ანბანით გამოძახება აღარ ხორციელდება.

ელემენტარულად სირცხვილია ასეთი სულსწრაფობა.

ძალიან გთხოვთ, ჩემი სახელით ნუ სპეკულირებთ. მე ჩემ შვილებს არ ვაძლევ უფლებას ისარგებლონ ჩემი სახელით დაუკითხავად და თქვენ რა უფლება გაქვთ გამოიყენოთ იგი? 

ასეთ ასაკოვან ხალს არ გეკადრებათ ტყუილი.

მოგიწოდებთ შეწყვიტოთ კომპანიაში რეკვა. მათ აქვთ თქვენი ტელეფონები და როცა საჭიროდ ჩათვლიან დაგირეკავენ.

არ გეწყინოთ ჩემი მკაცრი ტონი, მაგრამ საბავშვო ბაღში მგონია თავი.

პატივისცემით,

სანდრო ჯორბენაძე

 გამარჯობა მეზობლებო,

გუშინ მოგახსენეთ, რომ დემონტაჟის ნებართვა მიღებულია. დღეს უკვე ამუშავდა ჩვენი კოდალა და გაგრძელდა მშენებლობა.

ეს ორი დღეა ტელეფონის ზარები არ წყდება ჩემთან. მიუხედავად იმისა, რომ ყველას უნდა ბინის აშენება, ზოგიერთი ისეთ რაღაცეებს მეუბნება, შეიძლება თმები ყალყზე დაგიდგეთ. ზოგმა მერიის კეთილგანწყობა არჩევნებს დაუკავშირა, ზოგმა რა და ზოგმა რა.

მერიას კეთილგანწყობა რომ აქვს ჩვენ მიმართ ეს მართლაც ასეა, რაც ძალიან კარგია, თუმცა ასე არ იყო როცა მართთან ურთიერთობას ვიწყებდით, სანამ გავარკვევდით, რომ ახალი გამგეობა რადიკალურად განსხვავდება ძველისგან და ჩვენ ვართ ორიენტირებული მშენებლობაზე და არა სხვა რამეზე და ა.შ.

თამამად შეიძლება ითქვას, რომ ირაკლი ანდრიაძის დროინდელი აღმასკომის შემდეგ ასეთი მეგობრული და გვერდში მდგომი მერია ჩვენ მშენებლობას არ ჰყოლია. ამასთან, ყოველთვის ასრულებენ კანონის მოთხოვნებს. აშკარად იგრძნობა, რომ მერიას არავითარი ინტერესი ჩვენი მშენებლობიდან არ აქვს. ანალოგიურია საქართველოს მთავრობაც. ეს გინდათ რეკლამაში ჩათვალეთ, გინდათ სარჩევნო მოწოდებაში, მაგრამ რეალობა ასეთია. თუ ისინი შეიცვლიან თავიანთ პოზიციას, ამას იმწუთას შეგატყობინებთ. 

მე მეგონა დამთავრდა ის დრო, როდესაც ამხანაგობის ზოგიერთი ქალბატონი მშენებელზე, ინვესტორზე და სხვებზე, ვითომ კომპრომატებს მოიძიებდა და ამის საშუალებით ცდილობდა ერთგვარი გავლენა ჰქონოდა გამგეობაზე. ძალიან გთხოვთ, სხვისი პირადი საიდუმლოებები ჩემამდე არ მოვიდეს, რადგან არც მაინტერესებს და არც რამეს მატებს მშენებლობას.

ანალოგიურია, სხვადასხვა ცრუ ინფორმაციები, მათ შორის ჩვენ ინვესტორზე, რადგან ინვესტორის ყველა მშენებლობა დაგეგმილ ტემპში მიმდინარეობს თბილისის იპოდრომზეც, ბაკურიანშიც და ბათუმშიც. დღემდე არავინ ყოფილა მ.ტყეშელაშვილის უკმაყოფილო. იმედია ასე ვიქნებით ჩვენც.

პატარა წინააღმდეგობა (რამდენიმე დღით „კოდალას“ გაჩერება) არ უნდა გახდეს წინა გამგეობის მიერ დანერგილი სიბინძურისა და ტალახის მისხმის საშუალება. დააკვირდით თქვენ თავს და გამოდით წინა გამგეობის ზომბირებისგან. კიდევ თუ ვინმე დაუჯერებდა ზოგიერთების მოგონილ ტყუილსა და ჭორებს და მოქმედ გამგეობას არა, ნამდვილად არ მეგონა.

გთავაზობთ, მერიის მიერ გაცემული დემონტაჟის ნებართვას და დღეს მუშაობის პერიოდში გადაღებულ „კოდალას“ ფოტოებს:

 მოგესალმებით მეზობლებო,

როგორც იცით ჩვენი „კოდალას“ მუშაობა შეჩერებულია. დეტალებზე საუბარი არ მინდოდა და ყველაფერს ვერც ამჯერად ვიტყვი, რადგან ტექსტს სხვა ადამიანებიც კითხულობენ და ყველანაირად ცდილობენ ხელშეშლას. ამიტომ, ძალიან უსამართლოა თქვენი საყვედურები. როდესაც გპასუხობთ, რომ კიდევ რამდენიმე დღეა საჭირო და ა.შ. ეს ნიშნავს, რომ მართლაც ასეა და არავითარი სხვაგვარი ეჭვის საფუძველი არ გაქვთ. ჩვენ არ ვართ ამხანაგობის ძველი გამგეობა. თუ რაიმე საეჭვო იქნება, პირველი მე გეტყვით, რადგან არაფერი გვაქვს დასამალი. 

ყოველ ეტაპზე გარკვეული დოკუმენტების მოძიება, ნოტარიუსთან დადასტურებაა საჭირო, რაც გარკვეულ მატერიალურ ხარჯთანაა დაკავშირებული. სამწუხაროდ არავის მოგსვლიათ აზრად ამ საკითხის შესახებ მსჯელობა, შემოხიდება, გარდა თითებზე ჩამოსავლელი ადამიანებისა. 

თუ მშენებლობა სხვადასხვა ეტაპზე შეფერხდება, ეს არ ნიშნავს, რომ რაიმე საგანგაშოა. არაა საჭირო პანიკაში ჩავარდნა და რასაც გეუბნებით ისაა სიმართლე იმიტომ, რომ არასდროს მომიტყუებიხართ. მწარე სიმართლესაც გეუბნებით და არ გიმალავთ. გასაგებია, რომ წინა გამგეობამ ეჭვიანები გაგხადათ და სხვადასხვა ფობიებით დაგაავადათ, მაგრამ ეს ჩვენ არ გვეხება. ჩვენი გამგეობის წევრებმა ავიდანვე ვქვით უარი ყველაფერზე (დამატებითი ფართები, ამხანაგობის წევრებისთვის დამატებითი ფართების დაპირება და სხვ.). ამიტომ, ჩვენ წელგამართულები, ღმერთთან და თქვენ წინაშე მართლები ვართ.

ამჯერად სიტუაცია ასეთი იყო: გვერდითა სახლის მაცხოვრებლებმა ჯერ მოითხოვეს ნგრევის დაჩქაება და მეორე „კოდალას“ დახმარება. ინვესტორმა შემოიყვანა მეორე „კოდალა“, რომელმაც იმუშავა მხოლოდ ერთი დღე, რადგან იმავე მაცხოვრებლებმა ისევ იჩივლეს მერიაში და განაცხადეს, რომ წარმოდგენილი ყოფილიყო გარკვეული დოკუმენტები, როგორც მშენებლის, ისე 502-სა 504-ის უფლებამოსილების დასადასტურებლად. საოცარი ისაა, რომ მათ მიერ მითითებული იქნა ისეთი დოკუმენტები, რომლის არსებობა შეიძლება იცოდეს სულ რამდენიმე კაცმა და მათი წარდგენა დაკავშირებულია გარკვეულ სირთულეებთან (გაცემულია საბჭოთა კავშირის დროს). ეს ის დოკუმენტებია, რომლებიც ჩემთვის არ გადმოუცია ყოფილ თავმჯდომარეს. ნამდვილად გასაკვირია მათი მხრიდან „ბაგები 502-სა“ და „ბაგები 504-ის“ დოკუმენტების ისტორიაში სრულყოფილი, სიღრმისეული გათვითცნობიერება. მათი გაბრაზების მიზეზი იყო ისიც, რომ გაქირავებული ბინებიდან გაექცნენ მდგმურები. მდგმურებთან დაკავშირებით ვერაფრით დავეხმარებით _ ეს დედაქალაქის ცენტრია და არა საკურორტო ზონა.

ამ დოკუმენტების წარდგენამდე შეჩერებული იყო „კოდალას“ მუშაობა. ჩვენი და ინვესტორის ერთობლივი ძალისხმევის შედეგად მოხდა შესაბამისი საბუთების წარდგენა მერიაში. მერიის მიერ კი, დემონტაჟის განახლებული ნებართვის გაცემა.

ასე, რომ 28 სექტემბრის კვირაში იევ განახლდება დემონტაჟი. ამასთან ერთად, ინვესტორი დაიწყებს 128 წევრთან ინდივიდუალურ შეხვედებს.

 მერიის მიერ გაცემულ დემონტაჟის ნებართვას შემოგთავაზებთ ხვალ, როგორც კი გამომიგზავნიან.

სანდრო ჯორბენაძე

 ბოლო ამბები

არქიტექტორის მოთხოვნის შესაბამისად, თავიდან ხორციელდება გეოდეზისტების მუშაობა. ესაა გეოდეზისტების სხვა ჯგუფი. შესაბამისად, ისინი ორშაბათს დადებენ ალტერნატიულ დასკვნას.

გეოდეზისტების დასკვნების გათვალისწინებით პროექტში (ძირითდად მზიდ სვეტებთან დაკავშირებით) შეიძლება მცირედი ცვლილებები შევიდეს ან არ შევიდეს. ამის შემდეგ არქიტექტორი პროექტს გადასცემს მერიას დასამტკიცებლად. 

მართალია ჩვენ გვეჩქარება და დროზე გვინდა ყველაფერი, მაგრამ არქიტექტორის ფრთხილი მიდგომა გამართლებულია _ „ასჯერ გაზომე ერთხელ გაჭერი“.

უნდა ვიქონიოთ მოთმინების უნარი. მშენებლობის დაწყებამდე იწელება დრო, თორემ შემდეგ სწრაფად მიდის.

მოთმინება თავადებო, მოთმინება!

 ძვირფასო მეზობლებო,

იმის გამო, რომ არქიტექტორს ცოტათი გაუგრძელდა პროექტის დამთავრება და მერიისთვის დასამტკიცებლად გადაცემა, ცოტათი გადაიწია ინდივიდუალური ხელშეკრულებების დადების პროცესმა. ამ საკითხთან დაკავშირებით უახლოეს დღეებში მოხდება თქვენთან დაკავშირება.

სანერვიულო არაფერია. 

გამგეობა.

 ძვირფასი მეგობრებო,

დღეს (31 აგვისტოს) შედგა ამხანაგობა „ბაგები 504-ის“ გამგეობის წევრთა (12 წევრი) შეხვედრა ინვესტორთან და არქიტექტორთან.

კომპანია „გუმბათის“ წარმომადგენლებმა მოგვაწოდეს ბოლო ინფორმაცია. კერძოდ, აღმოჩნდა, რომ ძველი არქიტექტურული პროეტი არ ემთხვევა კონსტრუქციულ სამუშაოებს და სამშენებლო სამუშაოებს. პროექტი იყო თავისთვის, კონსტრუქციები თავისთვის და ჩარკვიანის მიერ აშენებული თავისთვის. სამივე კომპონენტი (არქიტექტურა, კონსტრუქციები და მშენებლობა) უნდა იყოს აბსოლუტურად თანხვედრაში _ ჩენთან აცდენილია.

როგორც ინვესტორმა განაცხადა, ისინი ესაუბრნენ კონსტრუქტორებს, რომლებმაც განაცხადეს, რომ ეს კონსტრუქციები მათ მიერ გათვლილი იყო 6 სართულზე და არა მაღალ შენობაზე. თუმცა არც 6 სართულიანის კონსტრუქციების მიხედვით არაა აშენებული და რამდენიმე მზიდი ბურჯები აცდენილია ერთმანეთს. 

აქედან ცხადია, რომ ამ მშენებლობას „თბილისი“ ვერასდროს დაამთავრებდა, რადგან 6 სართულის შემდეგ აშენებული მალე ჩამოინგრეოდა ან სულაც არ ააშენებდნენ და დარჩენილ ფართებსაც გაყიდნნენ.

ამ ეტაპზე ასეთი მდგომარეობაა; ინვესტორს უნდოდა მთელ სახლზე 2-3 სართულის დამატება, რაზეც ჩვენ თანხმობა განვაცხადეთ, თუმცა ყველგან ეს ვეღარ ხერხდება. არქიტექტორებმა საკმაოდ იწვალეს და არსებული მდგომარეობიდან მიაგნეს ფაქტობრივად ერთადერთ გამოსავალს და მხოლოდ ორ ადგილას ამატებენ სართულებს. შესაბამისად პროექტი შეიცვალა და გახდა ცოტა სხვაგვარი (იხ. ფოტოები).

ჩვენი ფართები რჩება იგივე. ამაზე ადრეც გვქონდა ინფორმაცია. იმ ადგილებში სადაც დამატებითი საყრდენი ბოდებია ამოსაყვანი შეიძლება 3-4 კვ.მ-ით შეუმცირდეს ვინმეს ფართი, რომლიც თანხას დაგიფარავთ ინვესტორი. შეიძლება მოხდეს ისე, რომ პირიქით, მოგემატოთ 3-4 კვ.მ. ამ შემთხვევაში თქვენ უნდა დაამატოთ თანხა შეღავათიან ფარგლებში.

მოკლედ, დაახლოებით 10 დღეში (ალბათ იმ კვირის ბოლოს) ინვესტორი მერიაში შეიტანს პროექტს დასამტკიცებლად.

იმ კორპუსებზე, რომლებზეც ჩანს არმატურა, ეს არმატურა უნდა მოიხსნას დაუზიანებელ დონემდე , ე.ი. იქამდე სადაც არაა დაჟანგული.

მეორე „კოდალა“ ამ დღეებში დაემატება (მერიიდან ჯერ თანხმობა არაა) და უფრო სწრაფად წავა საქმე წინ. რამდენიმე დღეა პირველი „კოდალა“ ისვენებს და ხვალ-ზეგ ისევ გააგრძელებს მუშაობას.

სექტემბერშივე დაიდგმება ამწე. რადენიმე თვეში მეორე ამწეც დაემატება.

გარდა ამ ინფორმაციისა ინვსტორმა უკვე დააყენა საკითხი ინდივიდუალური ხელშეკრულებების გაფორმებაზე.

უახლოეს დღეებში დაიწყება ინდივიდუალური ხელშეკრულებების ხელმოწერა. ასე, რომ ელოდეთ გამოძახებას. ცოტა სირთულე იქნება უცხოეთში გადახვეწილ მეზობლებთან დაკავშირებით, რადგან მათ უნდა რწმუნება გაუკეთონ კონკრეტულ ადამიანს, რომელსაც ენდობა. კარგი იქნება, თუ რწმუნებასთან ერთად ამხანაგობის თავმჯდომარესაც შეატყობინებთ (უმჯობესია ელექტრონულად) აღნიშნულის შესახებ _ სიფრთხილეს თავი არ სტკივა.

ინვესტორთან შევთანხმდით, რომ მისი სურვილია ფეისბუქის გაკეთება, სადაც ნებისმიერს შეგეძლებათ შესვლა და სიახლეების ნახვა. აღარ იქნება საჭირო ჩვენი საიტი. ინვესტორი აგზავნის ჩვენთან, შემდეგ ჩვენ ვდებთ საიტზე და ა.შ. პირდაპირ თვითონ დადებს ფეისბუქზე სიახლეებს და კითხვებიც შეგეძლებათ უშუალოდ მათ დაუსვათ შესაბამის საკითხებზე.

ჩვენი საიტი დარჩება შიდა ამხანაგობრივი, ჩვენი საქმეების გასაცნობად.

იხილეთ ჩვენი სახლის ახალი პროექტი:

1. ხედი ჭავჭავაძიდან

2. ხედი ზემოდან

3. ხედი ყიფშიძიდან

4. ხედი ეზოდან (კლინიკა „მზერას“ მხრიდან)

ალბათ. შეამჩნიეთ, რომ ორ დამატებულ ადგილზე არის ცარიელი ფართი (1 სართული. ეს იმ დონეზეა გაკეთებული, სადაც გამონაბოლქვი ვერ აღწევს და ამ ადგილზე იქნება დასასვენებელი ზოლი (მწვანე ნარგავები, შეზლონგები, ველო-ბილიკები და ა.შ.).

5. უშუალოდ ეზო

აქ არქიტექტორმა ეზოში გაითვალისწინა დიდი ჭადრაკის კუთხე, რომლის თვალიერებაც შესაძლებელი იქნება ზედა სართულებიდან. ეზოში არ იქნება მანქანების დასაყენებელი _ მხოლოდ გამწვანება და ბავშვებისთვის უდაფრთხო სივრცე.

 მეგობრებო,

სულ რამდენიმე დღის წინ ქართულ მიწას მიაბარეს გამოჩენილი მეცნიერი გრივერ ფარულავა.

ვუსამძიმრებთ მის ოჯახს დანაკარგს. გამძლეობასა და მხნეობას ვუსურვებთ მათ.

სამწუხაროა, რომ ეს ამბავი დღეს შევიტყვეთ და ვერ მოვახერხეთ მისამძიმრება. გვინდა მივმართოთ ამხანაგობის წევრებს. აწინ ძალიან ძნელია რაიმე გასწავლოთ, მაგრამ ჩათვალეთ, რომ ჩვენი ეს საიტი არის სადარბაზოებში გამოკრული განცხადება. ამიტომ კარგი იქნებოდა ვინმეს მესიჯი მაინც გამოეგზავნა, რომ დაგვედო მისამძიმრების განცხადება. ამხანაგობის წევრები ჩვენ საიტს უფრო ხშირად კითხულობენ, ვიდრე გაზეთებს და აქედან მაინც შეიტყობდა ვინმე ამ სამწუხარო ამბავს. აეთი შეტყობინებებით ჩვენ ადრეც გამოგვიქვეყნებია მისამძიმრებები, მისამართის (თუ ეს ვიცოდით), პანაშვიდისა და გასვენების დღეების  მითითებით.

გამგეობა