ახალი ინფორმაცია
როგორც იცით, გ.ძასოხოვმა თბილისის საქალაქო სასამართლოს გადაწყვეტილებაზე შეიტანა სააპელაციო საჩივარი.
ჩაინიშნა სასამართლო პროცესი, რომელიც შედგება 2024 წლის 17 იანვარს 14 საათზე, თბილისის სააპელაციო სასამართლოში. მის.: თბილისი გრიგოლ რობაქიძის 7ა (დიღმის მასივი. პოლიციის სამმართველოს უკან).
პროცესამდე 1 თვეა დარჩენილი.
ამ დღეს სხვა არაფერი დაგეგმოთ!
მოგესალმებით მეგობრებო,
ვისაც გიყვართ ზამთარი _ გილოცავთ ზამთრის დადგომას!
დარჩა 2 წელი ჩვენი მშენებლობის დამთავრებამდე. უნდა ჩაბარდეს 2025 წლის დეკემბერში.
იქამდე გრძელდება მშენებლობა.
გთავაზობთ დღევანდელ ფოტოებს.
1-ლი („მ“), მე-2 („ლ“) და მე-3 („კ“) სადარბაზოებისთვის გრძელდება სვეტებისა და ლიფტის შახტების ყალიბებში ბეტონის ჩასხმა:
ამ სადარბაზოების უკანა მხარესაც ისხმება ბეტონი. ბეტონამრევი ტექნიკა ეზოდან შემოდის:
1-ლი-მე-6 სადარბაზოების უკან, ღობემდე კეთდება სამანქანო გზა, რომლითაც ისარგებლებენ ავტოსადგომებზე მდგომი ავტომანქანები. მათ აღარ მოუწევთ წრის დარტყმა ყიფშიძის ქუჩაზე. ამ გზით გავლენ პირდაპირ ყიფშიძის ბოლოში _ ბენზოგასამართ სადგურთან:
:მე-4 („ი“)-მე-5 („თ“) სადარბაზოებისთვისაც მიმდინარეობს შიდა სამუშაოები. აქ ბეტონის დასხმა დამთავრებულია;
მე-7 („ვ“), მე-8 („ე“) და მე-9 („დ“) სადარბაზოების ადგილზე მოიშალა დროებითი გზა. მიმდინარეობს ამ ტერიტორიის მოსუფთავება ფილის დასაგებად:
მე-10 („დ“), კომერციული („ბ“) და მე-11 („ა“ ) სადარბაზოები იმდენად მაღლა ავიდა, რომ კადრში თითქმის ვეღარ ეტევა:
გ.ძასოხოვის სარჩელთან დაკავშირებით სიახლე არაფერია. სასამართლო დუმს.
მოგესალმებით ყველას!
ჩვენი მსენებლობა წინ მიიწევს.
გთავაზობთ დღევანდელ ფოტოებს.
1-ლი („მ“). მე-2 („ლ“) და მე-3 („კ“) სადარბაზოებისთვის მიმდინარეობს 1-ლი _ კომერციული _ სართულის (6 მეტრის სიმაღლის) მშენებლობა. ზოგ ნაწილზე ხარაჩოების აწყობა, ზოგზე ბეტონის ჩასხმა, ზოგზე კი, გადახურვის სამუშაოები:
მე-4 („ი“), მე-5 („თ“) და მე-6 („ზ“) სადარბაზოებისთვის მიმდინარეობს შიდა სამუშაოები, რომელიც გარედან არ ჩანს.
მე-4 („ი“), მე-5 („თ“) სადარბაზოების საცხოვრებელი სართულების მშენებლობა დამთავრებულია (დარჩა ზედა ტერიტორიის, ზედა ტერასის მოწყობა), ამიტომ ამ სადარბაზოებისთვის მალე დაიდგმება ლიფტები:
მე-10 („გ“), კომერციული („ბ“) და მე-11 („ა“) სადარბაზოების მშენებლობა სოცრად მაღალი ტემპით მიმდინარეობს. დარჩენილია ერთ ხელზე არსებული თითების რაოდენობაზე ნაკლები სართულის აშენება:
:
მე-7 („ვ“), მე-8 („ე“) და მე-9 („დ“) სადარბაზოს ადგილზე იწყება მშენებლობა. ამით ინვესტორმა კიდევ ერთხელ დაადასტურა, რომ ასრულებს მოცემულ პირობას _ ამ ლოკაციაზე მშენებლობის შემოდგომაზე დაწყების თაობაზე. მართალია შემოდგომის ბოლო 2 კვირაა, მაგრამ მთავარია, რომ დაპირება სრულდება.
ამ ეტაპზე უნდა მოიშალოს ყიფშიძის ქუჩაზე გასასვლელი ხელოვნური გზა. ამისთვის, საჭიროა ბეტონის კედლების მოშლა, რომელთა შორისაცაა ეს გზა გაკეთებული.
გზის მოშლა სავარაუდოდ გაგრძელდება ნოემბრის ბოლომდე, შემდეგ უკვე დაიგება ფილა. შეგახსენებთ, რომ ამ ადგილზე მიწის სამუშაოები უკვე შესრულებულია;
მშენებლობის ხედი ყიფშიძის ქუჩიდან:
მე-10 („გ“) სადარბაზოს ხედი ვაკის პარკიდან:
ზოგიერთის საყურადღებოდ!
ჩვენ შეთანხმებულები ვართ, რომ ფოტოები უნდა დავდოთ 2 კვირაში ერთხელ. თუმცა ყოველთვის ვერ ხერხდება 15-სა და 30 რიცხვებში გადაღება. ამ ეტაპზე ადრე ღამდება და რთულია სამუშაო საათებში გადაღება.
1-2 დღით დაგვიანება უცხოეთში (მათ შორის, ავსტრალია საფრანგეთი, აშშ) ან საქართველოს სხვადასხვა რაიონებში მცხოვრები ამხანაგობის ზოგიერთი წევრისთვის შეიძლება მართლაც უსიამოვნო იყოს, მაგრამ თბილიში, თსუ-ში დღესაც მომუშავე პირებიდან საყვედურის გამოთქმას ნამდვილად ვერ მივიღებთ. თსუ-ს 1-ლი კორპუსიდან ავტობუსის მე-4 გაჩერებაა, რაც 1 ლარი დაგიჯდებათ.
იმედია, ასეთი მოსაყვედურე ადამიანები სასამართლო პროცესს არ გააცდენენ, როცა ჩაინიშნება.
https://scontent.ftbs6-2.fna.fbcdn.net/v/t39.30808-6/397574752_6647369722055319_975084235383480929_n.jpg?_nc_cat=100&ccb=1-7&_nc_sid=5f2048&_nc_ohc=44gwyojLZ8wAX_ZapZh&_nc_ht=scontent.ftbs6-2.fna&oh=00_AfByFiTWJU74rsI6inf9TNgydeXjmcxhkePXXDvJlhTNhg&oe=655001C0
