ძვირფასო მეგობრებო,

გვაქვს გარკვეული შეფერხება. კერძოდ, კონსტრუქციების ექსპერტიზამ დაადგინა (იხ. ქვემოთ), რომ არსებული (დარჩენილი) შენობაც დასანგრევია (არასწორი კონსტრუქციების გამო, სვეტები აცდენილია ერთმანეთს და სხვ.).

ეს მოულოდნელი იყო არა მარტო ჩვენთვის, არამედ ინვესტორისთვისაც. როგორც იცით, ყველაფერი გამზადებული და გასუფთავებული იყო სამშენებლო სამუშაოების სწრაფი ტემპით წინსვლისთვის, იწყებოდა მიწის ამოთხრა, თითქმის დამთავრებული იყო პროექტი, ხელშეკრულება დაიდო ძველ არქიტექტორებთან თანხის (ჩარკვიანის ვალის) გადახდასთან დაკავშირებით და ა.შ.

მშენებელთან წინასწარი კომუნიკაციის შედეგად გამოიკვეთა შემდეგი:

1. ინვესტორი აცხადებს, რომ დარჩენილი შენობის დანგრევა და იმავე ადგილზე არსებულ დონემდე სახლის აშენება მას დაუჯდება 1.5-2 მილიონი აშშ დოლარი.

2. ამ გაუთვალისწინებელი ხარჯის გადახდა რამდენად უღირს ინვესტორს ჯერ გადაწყვეტილი არ აქვს, რადგან 1.5-2 მილიონი დოლარი მცირე თანხა არაა.

3. არსებულის დანგრევას დასჭირდება 2 თვე.

 

რას ვკარგავთ და რას ვიძენთ დანგრევით?

ჩვენ ვკარგავთ დროს _ 2 თვეს. ინვესტორი კარგავს 1.5-2 მილიონ აშშ დოლარს.

უკვე დანგრეულ კორპუსებში აღმოჩნდა, რომ საყრდენ ბოძებში არმატურა არ იყო ერთმანეთთან შეკრული, უბრალოდ ჩაყრილი იყო ბეტონში. დარჩენილის დანგრევის შემთხვევაში, ასეთი რამ აღმოფხვრილი იქნება. მოკლედ, უფრო მყარი და სანდო კორპუსი აშენდება. ისევ გადასაკეთებელი იქნება პროექტი, ოღონდ ამას სავარაუდოდ ძალიან მცირე დრო დასჭირდება, რადგან გასუფთავებულ ფართხე კორპუსების პროექტი აღარ შეიცვლება.

დარჩენილის დანგრევის შემთხვევაში მაქსიმალურად (დაახლოებით 99 %) შენარჩუნდება 128 ოჯახის იგივე ფართი, იმავე ადგილზე.

საერთო ჯამში, ჩვენთვის შეიძლება უკეთესიც იყოს, უბრალოდ, არსებულ დონემდე (სამშენებლო პოლიგონის მომზადებამდე) მისვლისთვის დაგვჭირდება 2 თვე.

მოკლედ, დაველოდოთ ინვესტორს 1-2 დღე დაანგარიშებისთვის. იმედი ვიქონიოთ, რომ ისევ განვაგრძობთ ურთიერთობას.