შეხვედრა ინვესტორთან,

2019 წლის 26 ივლისს შედგა ამხაბაგობა „ბაგები 504-ის“ გამგეობის გაფართოებული სხდომა. გამგეობის 17 წევრიდან, სხდომას ესწრებოდა შემდეგი წევრები:

1. სანდრო ჯორბენაძე

2. მერი ნიკოლაიშვილი

3. ელეონორა კაჭარავა

4. ნინო ბაბუნაშვილის წარმომადგენელი ხათუნა გრიგალაშვილი

5. ომარ ქომურჯიშვილი

6 კახა ხარატიშვილი

7, ნინო ღაღანიძის წარმომადგენელი თენგიზ გუჯეჯიანი

8. გრიგოლ დავითაია

9. ხათუნა ლუტიძის წარმომადგენელი ნუგზარ ყენია

10. არჩილ გეგეშიძე

11. მანანა დოლაბერიძე

12, შალვა ანდღულაძე

კრებას ესწრებოდა: შპს „თსუ ყიფშიძის 1-ის“ წარმომადგენელი ზურაბ (უშანგი) ბურჭულაძე; ამხანაგობა „ბაგები 502-ის“ წევრები _ გურამ კუტალია, მიხეილ ელიზბარაშვილი, ელგუჯა აკობია და სხვ., აგრეთვე, ზოგიერთი წევრის (კანდელაკი, დეკანოიძე) წარმომადგენლები.

სხდომაზე მოწვეული იყო სამშენებლო კომპანია „გუმბათის“ დამფუძნებელი მერაბ ტყეშელაშვილი და ამავე კომპანიის იურისტი სოსო მაჩაიძე.

კრება გახსნა „ბაგები 504-სა“ და „ბაგები 502-ის“ თავმჯდომარე სანდრო ჯორბენაძემ.

მან დამსწრეთ შეახსენა წინა სხდომაზე მიღებული გადაწყვეტილების შესახებ, როდესაც გამგეობამ მშენებლად აირჩია კომპანია „გუმბათი“ და წევრებს გაუგზავნა ხელშეკრულების ტექსტი, რომლის შესაბამისადაც მოხდება სამშენებლო კომპანიასთან ურთიერთობების გაგრძელება.

ს. ჯორბენაძემ  სხდომის მონაწილეებს გააცნო მოწვეული პირები კომპანია „გუმბათიდან“.

თავმჯდომარემ სიტყვა გადასცა ხათუნა გრიგალაშვილს.

ხ.გრიგალაშვილმა დამსწრეებს მოახსენა წინა სხდომის შემდეგ კომპანია „გუმბათთან“ ყოველდღიური მოლაპარაკებების  შესახებ, წინა დღით ს.ჯორბენაძის, ხ.გრიგალაშვილისა და ს.მაჩაიძის შეხვედრაზე თბილისის მერიის წარმომადგენლებთან,

სამშენებლო კომპანია „გუმბათის“ დამფუძნებელმა მერაბ ტყეშელაშვილმა ისაუბრა მშენებლობის სავარაუდო მიმდინარეობაზე, განმარტა ხელშეკრულების ზოგიერთი პუნქტის მნიშვნელობა და შესრულების ეტაპები,  ისაუბრა წინასამშენებლო პრობლემების შესახებ (პროექტის გადამუშავება და დამტკიცება, კოეფიციენტის საკითხი) და ა.შ.

მანვე უპასუხა სხვადასხვა კითხვებს, რომელიც დაგროვილი ჰქონდათ ამხანაგობის წევრებს.

სიტყვით გამოვიდნენ: ნ.ყენია, მ.ნიკოლაიშვილი, მ.დოლაბერიძე, ს.მაჩაიძე, არ. გეგეშიძე.

ბატონ მ.ტყეშელაშვილთან საკითხის ამოწურვის შემდეგ გაგრძელთა ხელშეკრულების პირობების განხილვა, რომელიც მოწონებული იქნა.

ამხაბაგობა „ბაგები 504-ის“ გამგეობა

ამხანაგობა „ბაგები502-ისა“ და „ბაგები 504-ის წევრებს

2019 წლის 17 ივლისს 19 საათზე თსუ მეორე კორპუსის 009 აუდიტორიაში შედგა ამხანაგობა „ბაგები 504-ის“ გამგეობის გაფართოებული სხდომა.

ამხანაგობა „ბაგები 504-ის“ 17 წევრიდან სხდომას ესწრებოდნენ: სანდრო ჯორბენაძე, მერი ნიკოლაიშვილი, ელეონორა კაჭარავა, ნინო ბაბუნაშვილის წარმომადგენელი (ნოტარიული რწმუნებით) ხათუნა გრიგალაშვილი, ომარ ქომურჯიშვილი, კახა ხარატიშვილის წარმომადგენელი (ნოტარიული რწმუნებით) სანდრო ჯორბენაძე, ნინო ღაღანიძის წარმომადგენელი (ნოტარიული რწმუნებით) თენგიზ გუჯეჯიანი, გრიგოლ დავითაია,, ხიმურ რუხაია, მანანა დოლაბერიძე, შალვა ანდღულაძე, არჩილ გეგეშიძე (სულ 12 წევრი).

სხდომაზე გამოცხადდა გამგეობის წევრის გიორგი ჯაოშვილის წარმომადგენელი, რომელსაც არ ჰქონდა ნოტარიულად დამოწმებული რწმუნება. აქედან გამომდინარე, ის სხდომაზე დარჩა სტუმრის სტატუსით და არ მიეცა უფლება მონაწილეობა მიეღო კენჭისყრაში.

სხდომას ესწრებოდა შპს „თსუ ყიფშიძის 1“ სრული შემადგენლობით. ამხანაგობა „ბაგები 502-ის“ წევრები: სოლომონ კილაძე, თენგიზ გლოველი და გულნარა კანდელაკის წარმომადგენელი ბესო კანდელაკი, ზურაბ უფლისაშვილის წარმომადგენელი ლაშა უფლისაშვილი.

კრებას თავმჯდომარეობდა სანდრო ჯორბენაძე, ხოლო მდივნობდა ომარ ქომურჯიშვილი.

შესავალი სიტყვით გამოვიდა სანდრო ჯორბენაძე, რომელმაც განაცხადა, რომ იგი დაფიქსირდა ამხანაგობა „ბაგები 504-ის“ თავმჯდომარედ ა.წ. 28 ივნისიდან. არც იქამდე და არც ამის შემდეგ ერთი დღითაც არ შეწყვეტილა ინვესტორებთან მოლაპარკებები, რომელსაც იგი და ხათუნა გრიგალაშვილი აწარმოებდა, ხანდახან ღამის 12 საათამდეც კი. მან ჩამოთვალა იმ 11 ფირმიდან და დაინტერესებული ინვესტორიდან ის 8, რომელთანაც აღარ გაგრძელდა ურთიერთობა.

ს. ჯორბენაძემ განაცხადა, რომ გამგეობის სხდომაზე გამოაქვს იმ 3 ფირმასთან (დასახელების გარეშე) მიღწეული შედეგები და მათი შემოთავაზებული პირობები. ამ ფირმებიდან 2 აპირებს აშენებული ნაგებობის დანგრევას და ახალი პროექტით ახალი კორპუსის აშენებას, ხოლო ერთი ფირმა არ აპირებს დანგრევას და არსებული პროექტის კორექტირებით, არსებულ ფუნდამეტზე (შესაბამისი შემოწმების შემდეგ) აშენებას.

აზრი გამოთქვეს: ა.გეგეშიძემ, მ.დოლაბერიძემ, ლ.უფლისაშვილმა, ზ.ბურჭულაძემ, მ.ნიკოლაიშვილმა.

ამხანაგობის წევრების მრავალ კითხვას პასუხი გასცა ხათუნა გრიგალაშვილმა, რომელმაც დეტალურად და ამომწურავად უპასუხა ყველს კითხვას და დაფაზე, თვალსაჩინოებისთვის ჩამოწერა სამივე ფირმის პირობები და მოთხოვნები, რათა დამსწრეებს შეძლებოდა თავადვე დაენახათ და გაეანალიზებინათ სამივე ფირმის აქტიური და პასიური მხარეები.

საბოლოოდ სხდომის თავმჯდომარემ კენჭისყრაზე დააყენა საკითხი იმის თაობაზე, თუ ვინ იყო მომხრე დღემდე აშენებული ნაგებობის დანგრევის და მის ადგილზე ახალი სახლის აშენების ან ძველი აშენებულის გაგრძელებისა.

ს. ჯორბენაძემ მოითხოვა ფარული კენისყრის ჩატარება. კენჭისყრის შედეგად (2 მომხრე (ს.ჯორბენაძე, ო. ქომურჯიშვილი) 10 წინააღმდეგი) გადაწყდა, რომ კენჭი ეყარათ ღიად.

კენჭისყრაზე დაისვა საკითხი: ვინაა მომხრე არსებული ნაგებობის ბაზაზე მშენებლობის გაგრძელების (დანგრევის გარეშე)?

კენჭისყრის შედეგი: თანახმა _ 11, წინააღმდეგი _ 0, თავი შეიკავა _ 1 (მ.დოლაბერიძე).

კენჭისყრის ჩატარების შემდეგ ხ.გრიგალაშვილმა გაშიფრა ის 3 ფირმა, რომელსაც სურვილი ჰქონდა მშენებლობის გაგრძელების.

კენჭისყრის შედეგების მიხედვით დარჩა ერთი ფირმა _ სამშენებლო კომპანია  „გუმბათი ჯგუფი“ (https://gumbatigroup.ge/ge/).

ს. ჯორბენაძემ კიდევ ერთხელ დააყენა კენჭისყრაზე საკითხი: ამხანაგობა „ბაგები 504-ის“ გამგეობა თანახმაა, რომ სამშენებლო სამუშაოები აწარმოოს კომპანია „გუმბათმა“. მიღებული იქნა ერთხმად.

გამგეობის სხდომამ დაადგინა:

1. დაიდოს ხელშეკრულება სამშენებლო კომპანია  „გუმბათი ჯგუფთან“ სახლის მშენებლობის გაგრძელებაზე, ძირითადი ნაგებობის დაუნგრევლად (გარდა დაჟანგულის შეცვლისა და გაფუჭებული ბეტონის მოშლისა).

2. დაევალოს ქალბატონ ხათუნა გრიგალაშვილს კომპანიასთან წვრილმანი დეტალების შეთანხმების შემდეგ, წარმოადგინოს ხელშეკრულების საბოლოო ტექსტი, რათა მაქსიმალურად მცირე დროში მოხდეს ინვესტორთან კონტრაქტის დადება.

იბა „ბაგები 504-ის“ გამგეობის 2019 წლის 24 ივნისის სხდომის ოქმი

2019  წლის 24 ივნისს თსუ მე-2 კორპუსის 012 აუდიტორიაში, საღამოს 20 საათზე შედგა ამხანაგობა „ბაგები 504-ის“ გამგეობის სხდომა. გამგეობის 17 წევრიდან სხდომას ესწრებოდნენ:

1.      ომარ ქომურჯიშვილი

2.      კახა ხარატიშვილი

3.      ხათუნა ლუტიძე

4.      მერი ნიკოლაიშვილი

5.      გრიგოლ დავითაია

6.      სანდრო ჯორბენაძე

7.      ნინო ბაბუნაშვილის წარმომადგენელი ხათუნა გრიგალაშვილი

8.      მანანა დოლაბერიძე

9.      ხიმურ რუხაია

10.  ნინო ღაღანიძე

11.  შალვა ანდღულაძე

სხდომას თავმჯდომარეობდა სანდრო ჯორბენაძე.

სხდომაზე განხილულ იქნა ადვოკატ ხათუნა გრიგალაშვილის მიერ წარმოდგენილი სამოდელო ხელშეკრულება, რომელიც უნდა წარედგინოს ინვესტორებს. მუხლობრივ განხილვამ დიდხანს გასტანა. შესაბამისი განმარტებებისა და მცირეოდენი დაზუსტების შემდეგ კენჭი ეყარა აღნიშნულ სამუშაო ხელშეკრულებას, რომელიც მიღებულ იქნა ერთხმად.

ს.ჯორბენაძემ განმარტა, რომ ესაა ჩვენ მიერ მომზადებული ხელშეკრულება, რომელიც წარედგინება ყველა ინვესტორს. ინვესტორს შეუძლია ამა თუ იმ საკითხზე შემოგვთავაზოს მისეული ხედვა და პირობები. ამ შეჯერებული პირობების ორმხრივად მოწონების შემთხვევაში ხელი მოეწერება აღნიშნულ ხელშეკრულებას და დაიწყება მშენებლობა.

სხდომის დასასრულს, აუდიტორიიდანვე გაეგზავნა ხელშეკრულების პროექტი დღეისთვის არსებულ ყველა ინვესტორს.

მეორე საკითხად კრებაზე დაისვა მშენებლობის ღობის საკითხი. ი.ჭავჭავაძის 39-ში მცხოვრებმა ვინმე აკაკი ქომოშვილმა საჩივარი შეიტანა თბილისის მერიაში ღობის მძიმე მდგომარეობასთან დაკავშირებით. აკაკი ქომოშვილი წუხს, რომ მიტოვებულ მშენებლობაზე იკრიბებიან ახალგაზრდები და ა.შ.

მერია აპირებს დაჯარიმებას.

ხ.რუხაიამ ს.ჯორბენაძეს გადასცა „ბაგები 504-ის“ ბეჭედი და სალარო აპარატი, რომელსაც იყენებდა კომპანია „თბილისი“.

ამხანაგობა „ბაგები 504-სა“ და „ბაგები 502-ის“ წევრებს

ძვირფასო მეგობრებო,

2019 წლის 11 ივნისს შედგა ამხაბაგობა „ბაგები 504-ის“ გამგეობის სხდომა. გამგეობის 17 წევრიდან, სხდომას ესწრებოდნენ შემდეგი წევრები:

1. სანდრო ჯორბენაძე

2. მერი ნიკოლაიშვილი

3. ელეონორა კაჭარავა

4. ნინო ბაბუნაშვილის წარმომადგენელი ხათუნა გრიგალაშვილი

5. ომარ ქომურჯიშვილი

6. კახა ხარატიშვილი

7. ნინო ღაღანიძის წარმომადგენელი თენგიზ გუჯეჯიანი

8. გრიგოლ დავითაია

9. ხათუნა ლუტიძის წარმომადგენელი ნუგზარ ყენია

10. ხიმურ რუხაია

11. მანანა დოლაბერიძე და მისი წარმომადგენელი ლაშა უფლისაშვილი

12. დავით მეშველიანი

13. როსტომ კენჭოშვილი

14. შალვა ანდღულაძე

კრება გახსნა „ბაგები 504-სა“ და „ბაგები 505-ის“ თავმჯდომარე სანდრო ჯორბენაძემ.

პირველ საკითხად მან მოითხოვა „ბაგები 502“-ისა და „ბაგები 504“-ის ამხანაგობების ყოფილი თავმჯდომარის ხიმურ რუხაიასგან ორივე ამხანაგობებთან დაკავშირებული და მის მიერ შენახული და დღემდე გადმოუცემელი დოკუმენტებისა, ასევე ბეჭდის გადაცემა. აღნიშნული მოთხოვნა წერილობითი ფორმით გადაეცა ხიმურ რუხაიას, რომელმაც ხელის  მოწერით დაადასტურა, რომ მოკლე დროში გასცემდა წერილობით პასუხს დოკუმენტების თაობაზე, რაც შეეხება ბეჭედს მასთან ინახება და გადასცემს, თუმცა იქვე აღნიშნა, რომ არავითარი დოკუმენტი მასთან არაა.

მეორე საკითხზე ს. ჯორბენაძემ სიტყვა გადასცა ხათუნა გრიგალაშვილს.

ხათუნა გრიგალაშვილმა ამხანაგობის წევრებს დეტალურად გააცნო იმ ინვესტორებთან მოლაპარაკების დეტალები, რომლებმაც სურვილი გამოთქვეს მშენებლობაზე და პირველი შეხვედრის შემდეგ გარკვეული ქმედებები განახორციელეს და მზად არიან დაიწყონ მშენებლობა. ეს ფირმებია „X2“, „გუმბათი“ და „ალუ“. 

ხათუნა გრიგალაშვილმა დეტალურად ისაუბრა ყველა მათგანის დადებით და უარყოფით მხარეებზე.

ერთი საკითხი, რომელსაც ითხოვდა კომპანია „გუმბათი“ არის ის, რომ სანდრო ჯორბენაძემ ამხანაგობის სახელით მისცეს მას ექსკლუზიური უფლება მერიასთან მოლაპარაკების საკითხებში.

აღნიშნული საკითხის „გუმბათის“ სასარგებლოდ გადაწყვეტეზე გამგეობამ ამ ეტაპზე უარი უთხრა, რადგან წინააღმდეგ შემთხვევაში გამგეობას ეზღუდებოდა ხვა ინვესტორებთან მოლაპარაკება და ასეთ ვითარებაში მხოლოდ „გუმბათს“ ექნებოდა ექსკლუზიური უფლება სამომავლო ურთიერთობაზე, რაც ამ ეტაპზე არ არის მომგებიანი ამხანაგობისათვის. გამგეობა თანახმაა განსხვავებული ფორმით, კერძოდ ამხანაგობა შეიტანს თავისი სახელით განაცხადს ადმინისტრაციულ ორგანოებში, რაზეც არ არის წინააღმდეგი ნება დართოს ზეპირსიტყვიერად „გუმბათს,“ მერიასთან მოლაპარაკებაზე, სხვა ინვესტორების პარალელურად.

გამგეობაზე კვლავ წამოიჭრა საკითხი 450 000 აშშ დოლარის გადახდასთან დაკავშირებით. ხ.რუხაია კვლავ ამტკიცებს, რომ ეს თანხა გადასახდელია და რომ ეს თანხა თეიმურაზ ჩარკვიანის მიერ უკრაინელი ინვესტორისათვის შედგენილ შეთავაზებაშია, თუმცა ვისია ჩარკვიანის მიერ მითითებული ეს ვალები გაურკვეველია. ხ.გრიგალაშვილის კითხვაზე, რომ დავუშვათ იხდის ინვესტორი ამ თანხას, ვის ვუხდით, ვის უნდა დავუბრუნოთ ან/და გადავუხადოთ ეს თანხები? სამწუხაროდ პასუხი არა აქვს ხიმურ რუხაიას და არც ვალდებულების წარმოშობის დოკუმენტი წარმოდგენილი არ არის.

გამგეობამ გადაწყვიტა: 450 000 აშშ დოლარის, როგორც დავალიანების თანხაზე  საუბარი და ყურადღების გამახვილება, რადგან გადასახდელი არაა, არ არის საჭირო ინვესტორებთან.

სანდრო ჯორბენაძემ განაცხადა, რომ გამგეობის სხდომას ქალბატონი ხათუნა გრიგალაშვილი ესწრება, როგორც ნინო ბაბუნაშვილის წარმომადგენელი, მაგრამ ყველამ ვიცით, რომ იგი ამავე დროს წარმოადგენს სამართლებრივ კონსულტანტს, როგორც ადვოკატი და სამშენებლო საკითხების პროფესიონალი. 5-6 წელია იგი უანგაროდ, ყოველგვარი ანაზღაურების გარეშე გვემსახურება და სამაგიეროდ იღებდა ლანძღვასა და ცილისწამებას.

ქალბატონი ხათუნას აქტიურობითა და მოფიქრებული სქემის მიხედვით შევძელით სს „სამშენებლო კომპანია „თბილისის“ გაკოტრების მმართელის აღსრულების ეროვნული ბიუროს ჩამოშორება. ამ სქემის წინააღმდეგი იყო ამხანაგობის წევრთა ერთი ნაწილი. ამ სქემის აღსრულებაში საკმაოდ რთული გამოდგა აღსრულების სამსახურის დარწმუნება და დათანხმება, რაშიც ხათუნა გრიგალაშვილის სამართლებრივი არგუმენტები რომ არ ყოფილიყო დღესაც არ გვეყოლებოდა „თბილისი“ გარიცხული.

გამომდინარე აქედან, სხდომის თავმჯდომარემ განაცხადა, რომ ამხანაგობის თავმჯდომარესთან და წევრებთან ერთან, ოფიციალურად უნდა მივცეთ უფლება ქალბატონ ხათუნას მონაწილეობა მიიღოს ინვესტორებთან მოლაპარაკებაში. მანვე უნდა მოამზადოს ხელშეკრულება მშენებელთან და გაუწიოს სამართლებრივი კონსულტაცია ამხანაგობას ინვესტორთან ხელშეკრულების მომზადებისა და ხელმოწერიდან მშენებლობის დასრულებამდე პერიოდში. აღნიშნული ქმედებები ვეღარ გაგრძელდება ამხანაგობის, ხათრისა და კეთილი სურვილების იმედად. ვინაიდან ამხანაგობას არ გააჩნია არანაირი შემოსავლები, ამასთანავე ამხანაგობას მშენებლობის დასრულებამდე გვესაჭიროება კვალიფიციური იურისტი ადვოკატ ხათუნა გრიგალაშვილის სახით, რომელსაც დიდი გამოცდილება აქვს სამშენებლო და ამხანაგობის საქმიანობის სფეროში, შემოიტანა წინადადება _ ხათუნა გრიგალაშვილმა ინვესტორთან თავად დაადგინოს პირობები მისთვის გადასახდელი, ასანაზღაურებელი ჰონორარის ფორმასა და ოდენობაზე.

აღნიშნულ საკითხს დაეთანხმნენ გამგეობის წევრები და მოითხოვეს საკითხის კენჭისყრაზე დაყენება.

სხდომის თავმჯდომარემ კენჭისყრაზე დააყენა შემდეგი საკითხი: ხართ თუ არა თანახმა ქალბატონმა ხათუნა გრიგალაშვილმა მონაწილეობა მიიღოს ინვესტორებთან მოლაპარაკებებში „ბაგები 504-ის“ სახელით და მისი ფინანსური ანაზღაურების საკითხზე თვითონვე მოელაპარაკოს ინვესტორს და განსაზღვროს ანაზღაურების შესაბამისი ფორმა და ოდენობა?

კენჭისყრის შედეგად სხდომის 14-ვე წევრმა განაცხადა თანხმობა, უარსა და თავის შეკავებას ადგილი არ ჰქონია.

სხდომაზე მანანა დოლაბერიძის წარმომადგენელმა ლაშა უფლისაშვილმა დააყენა საკითხი, თუ როგორ ესახებათ გამგეობის წევრებს მშენებლის არჩევის საკითხი, ისეთ ვითარებაში, როდესაც კონკურენციიდან გამომდინარე, შესაძლებელია ყველა ინვესტორმა ერთი და იგივე პირობები შემოგვთავაზოს ან/და დაეთანხმოს ჩვენს შეთავაზებულ პირობებს? ლაშა უფლისაშვილის განცხადებით ეს ძნელი წარმოსადგენია და მისთვის გაუგებარია, თუ როგორ უნდა აირჩეს ასეთ ვითარებაში მშენებელი.

ლაშა უფლისაშვილის მიერ დაყენებულ წინადადებაზე ნინო ბაბუნაშვილის წარმომადგენელმა ხათუნა გრიგალაშვილმა გამგეობას შესთავაზა ასეთი გამოსავალი, ამხანაგობამ უნდა შეადგინოს იმ ხელშეკრულების რედაქცია, ანუ ისეთი ხელშეკრულება, სადაც მშენებელს, ინვესტორს, ექნება შესასრულებელი ვალდებულებები და სადაც ამხანაგობისა და იმ 59-61 პირის ინტერესები, ასევე სხვა კრედიტორების (რომელთა მიმართ არსებობს დადგენილი ვალდებულება და გარკვეულია სასამართლოს მიერ) უფლებები იქნება დაცული და მათი რისკები მინიმუმამდე დაყვანილი. ეს ხელშეკრულება უნდა იქნეს წარმოდგენილი გამგეობაზე, განვიხილოთ, ტექსტი დავხვეწოთ და ამის შემდეგ შევთავაზოთ ინვესტორებს, ვინც დაეთანხმება ხელშეკრულების ტექსტს, იმ ინვესტორთან გავაგრძელებთ მუშაობას.

გამგეობამ დაადგინა:

1. დაევალოს ქ-ნ ხათუნა გრიგალაშვილს 20 ივნისამდე შეადგინოს ხელშეკრულების პროექტი, რათა ამ პროექტით მოხდეს ინვესტორების ინფორმირება;

2. მიეცეს უფლება ადვოკატ ხათუნა გრიგალაშვილს მონაწილეობა მიიღოს ინვესტორებთან მოლაპარაკებაში;

3. ხათუნა გრიგალაშვილს მიეცეს თანხმობა თავისი ანაზღაურების საკითხზე მოლაპარაკება და შეთანხმება აწარმოოს ინვესტორთან;

4. ამ ეტაპზე უარი ეთქვას კომპანია „გუმბათს“ მერიასთან მოსალაპარაკებლად „ექსკლუზიური“ უფლების გადაცემაზე.

ამხაბაგობა „ბაგები 504-ის“ გამგეობის თავმჯდომარე სანდრო ჯორბენაძე

კრების  მდივანი გამგეობის წევრი ომარ ქომურჯიშვილი

მოგესალმებით ამხანაგობა „ბაგები 502-ის“ წევრებო

გილოცავთ დამოუკიდებლობის დღეს! გფარავდეთ ღმერთი!

2019 წლის 10 მაისიდან, როდესაც შედგა ამხანაგობის კრება, რამდენიმე აქტივობას ჰქონდა ადგილი. კერძოდ, 14 მაისს შედგა შეხვედრა სამშენებლო კომპანია „X2-თან“, 17 მაისს კომპანია „ალუსთან“, ხოლო 21 და 22 მაისს კომპანია „გუმბათთან“.

ამხანაგობამ ამ კომპანიებს წარუდგინა კრებაზე მიღებული მოთხოვნები, ხოლო კომპანიებმა წარმოადგინეს თავიანთი პირობები შემდგომი ურთიერთობების გასაგრძელებლად.

სამივე კომპანია თანახმაა განაახლოს მშენებლობა. პირველი შეხვედრა ემსახურებოდა საკუთარი პოზიციების გაცნობას. სამივე კომპანია მზადაა მიიღოს ჩვენი წინადადებები გარკვეული დეტალების გათვალისწინებით, რომელსაც შემდგომში კიდევ ერთხელ განვიხილავთ. სამივე კომპანიამ მოითხოვა გარკვეული პერიოდი თბილისის მერიასთან ურთიერთობის გარკვევისთვის.

ამის შემდეგ ინვესტორთა პირობები განხილული იქნება ჯერ ამხანაგობა „ბაგები 502-სა“ და „ბაგები 504-ის“ გამგეობებზე, ხოლო შემდეგ საერთო კრებაზე.

გარდა აღნიშნული ფირმებისა, ინტერესი გამოთქვა კიდევ რამდენიმე კომპანიამ, რომლებთან შეხვედრა შედგება უახლოეს მომავალში.

ამხანაგობა „ბაგები 502-სა“ და „ბაგები 504-ის“ თავმჯდომარე სანდრო ჯორბენაძეს ამხანაგობის წევრები ურეკავენ და ატყობინებენ, რომ 28 მაისს ტარდება ამხანაგობის კრება და ინტერესდებიან იმასთან დაკავშირებით, თუ რატომ არ დევს ეს ინფორმაცია საიტზე.

ამხანაგობა „ბაგები 502-სა“ და „ბაგები 504-ის“ გამგეობის წევრები მიმართავს ყველას ვინც ამხანაგობის სახელით, გამგეობისგან სეპარატისტულად აპირებს კრების ჩატარებას: ლეგიტიმური ორგანო არის ამხანაგობა „ბაგები 502-სა“ და „ბაგები 504-ის“ გამგეობები. მათ მიერ არავითარი კრება ან გამგეობის სხდომა არ იგეგმება. აღნიშნულის შესახებ არც „ბაგები 502-სა“ და არც „ბაგები 504-ის“  გამგეობამ არაფერი იცის. შესაბამისად ჩვენ მიგვაჩნია, რომ ცალკეული პირების მიერ, გამგეობისგან მალულად მოწვეული ასეთი კრებები ემსახურება მშენებლობის განახლების ხელის შეშლას.

იმ შემთხვევაში, თუ აღნიშნულ საქმიანობაში ჩარეულია ამხანაგობა „ბაგები 502-სა“ და „ბაგები 504-ის“ წევრები, დაისმება საკითხი გამგეობიდან მათი გაყვანის შესახებ.

კიდევ ერთხელ მოგმართავთ ყველას, ნებისმიერი კრების ჩატარების შესახებ ინფორმაციას მოგაწვდით ამ საიტზე.

გამგეობასთან შეუთანხმებელი ნებისმიერი სხვა საქმიანობა მიმართული იქნება საერთო საქმის _ მშენებლობის განახლების წინააღმდეგ.

ამხანაგობა „ბაგები 502-ის“ გამგეობა

ამხანაგობა „ბაგები 502-ის“ წევრებს

ძვირფასო მეგობრებო,

ყველამ იცით. რომ 2019 წლის 10 მაისს შედგა ამხაბაგობა „ბაგები 502-ის“ საერთო კრება. კრებას ესწრებოდა 85 წევრი. რეგისტრაცია გაიარა 71-მა წევრმა. კრებას ესწრებოდა, მაგრამ რეგისტრაციას ხელი არ მოაწერეს: მ.დოლაბერიძემ, ხ.რუხაიამ, თ.ონიანმა, ნ.ივანიძემ. კრებას ესწრებოდა ადვოკატი ხათუნა გრიგალაშვილი, რომელიც წარმოადგენდა (ნოტარიულად დამოწმებული რწმუნებით) ამხანაგობის 35 წევრს. მათგან კრებას ესწრებოდა 24 წევრი, შესაბამისად ხ.გრიგალაშვილმა ხელი მოაწერა 11 წევრის მაგივრად. კრებას ესწრებოდა ადვოკატი რ.მიგრიაული, რომელიც აცხადებს, რომ აქვს ამხანაგობის 23 წევრის რწმულება (რწმუნებები გამგეობაში წარმოდგენილი არაა). ამ წევრებიდან 13 კრებას ესწრებოდა, შესაბამისად, იგი წარმოადგენდა 10 წევრს, თუმცა რეგისტრაციაზე ხელი არ მოუწერია. ამრიგად, რეგისტრაციაზე ხელი მოაწერა 71-მა წევრმა, ხოლო 14 წევრმა ხელი არ მოაწერა.

კრებამ განიხილა  ამხაბაგობა „ბაგები 502-ის“ წევრის დარეჯან აფციაურის საკითხი, რომელიც ითხოვდა მის ნაცვლად, ამხანაგობის წევრად, თავისი შვილიშვილის ლილე ხომასურიძის დაფიქსირებას. კრებამ ერთხმად მიიღო ცნობად და დაეთანხმა ქალბატონ დარეჯან აფციაურის მოთხოვნას. კრების თავმჯდომარე ს.ჯორბენაძემ განაცხადა, რომ მომავალში წესდებიდან ამოსაღებია ეს მოთხოვნა, რადგან აბსურდამდე მივდივართ იმ შემთხვევაში, თუ კრება მსგავსი მოთხოვნის წინააღმდეგ წავა.

სამშენებლო კომპანია „თბილისის“ და შესაბამისად აღსრულების სამსახურის გაყვანასთან დაკავშირებით ჩატარებულ სამუშაოზე დეტალურად ისაუბრა ადვოკატმა ხათუნა გრიგალაშვილმა. ქალბატონ ხათუნას მოფიქრებულმა სქემამ  და ჩატარებულმა ქმედებებმა გაამართლა და დღეს ს/კ „თბილისი“ აღარაა წინააღმდეგობა.

გეგმის მიხედვით, „ბაგები 504-ის“ დაფუძნებლად დაფიქსირდა  ამხაბაგობა „ბაგები 502“,  ამხაბაგობა „ბაგები 504-2“ და შპს „თსუ ყიფშიძის 1“. შპს-ზე გადავიდა „ბაგები 504-ის“ ვალდებულებები, რომელიც მოგვიანებით მას გადასცემს ინვესტორს.. შპს-ის დირექტორად აირჩიეს ს.ჯორბენაძე.

აღსრულების სამსახურში შეხვედრისას (ეს შეხვედრა ბოლო მცდელობა იყო ერთმანეთთან კონსენსუსის მიღწევისა და კომპანია „თბილისის“ გაყვანისა) ხ.რუხაიამ და ადვოკატმა რ.მიგრიაულმა მოითხოვეს შპს „თსუ ყიფშიძის 1-ის“ 37.5 % ამხანაგომის წევრ არჩილ გეგეშიძეზე გადაცემას და დირექტორად არჩევას.

კონსენსუსის მიღწევის მიზნით და ერთმანეთთან დაძაბულობის მოხსნის გამო, სიტუაციის ჩიხიდან გამოსვლისა და მშენებლობის გაგრძელების ფაქტობრივად ბოლო შანსის გამოყენების იმედით, ს.ჯორბენაძე და კახა ხარატიშვილი დათანხმდნენ თავიანთი წილის არჩილ გეგეშიძეზე გადაცემას. საბოოდ მოხდა შეთანხმება და ა.გეგეშიძეს გადაეცა ს.ჯორბენაძის 12.5 % და კ.ხარატიშვილის 25 % და საბოლოოდ გეგეშიძეს გაუხდა 37.5 %, ს.ჯორბენაძეს 37.5 % და ზ.(უ.) ბურჭულაძეს 25 %. კახა ხარატიშვილს აღარ დარჩა პროცენტი. დირექტორი იქნებოდა ა.გეგეშიძე. აღნიშნული ხელმოწერა დადასტურდა ს.ჯორბენაძისა და ხ.რუხაიას ხელმოწერით.

კრებაზე საუბარი იყო სამომავლო გეგმებზეც, რომელიც დაკავშირებულია ინვესტორის მოძიება-შემოყვანასა და მშენებლობის გაგრძელებაზე.

ს.ჯორბენაძემ ისაუბრა ინვესტორებთან დაკავშირებით და განაცხადა, რომ არსებობს ორი კატეგორიის ინვესტორი. პირველი _ ითხოვს სართულების დამატებას და მეორე _ აშენებულის დანგრევას და ახალი პროექტით აშენებას. მანვე განაცხადა, რომ ამ საკითხის გადაწყვეტამდე საჭიროა რეალური ინვესტორების არჩევა. ყველა ფაქტორის აწონ-დაწონვა. აშენებულის დანგრევის შემთხვევაში ყველას შეგვინარჩუნდება ფართები.

კენჭისყრით, კრებამ ერთხმად მიიღო ის კრიტერიუმები, რომლითაც უნდა ვიხელძღვანელოთ ინვესტორებთან ურთიერთობისას. კენჭისყრის შემდეგ გამოითქვა მოსაზრება გამატებითი გარანტიების შესახებ. კრება შეთანხმდა (კენჭისყრის გარეშე), რომ შესაძლებელია მოთხოვნილი იქნეს დამატებითი გარანტიები მშენებლობის დაჩქარების, რეალობისა და კანონმდებლობის შესაბამისად.

ამხანაგობის წევრმა ა.გეგეშიძემ, რომელიც უნდა დარეგისტრირებულიყო შპს „თსუ ყიფშიძის 1-ის“ დირექტორად, უარი განაცხადა დირექტორობაზე, მიუხედავად თავისი, რუხაიას და მიგრიაულის მოთხოვნისა, ხელმოწერილი შეთანხმებისა. გეგეშიძის მიერ თავისი ხელით საჯარო რეესტრში მიტანილი დოკუმენტაცია დახარვეზდა.

იმის გამო, რომ გეგეშიძემ უარი განაცხადა დირექტორობაზე, ხარვეზის გამოსწორებას აზრი დაეკარგა. რამდენიმე დღის შემდეგ ხ.რუხაიამ დაიწყო პრეტენზიების გამოთქმაიმასთან დაკავშირებით, რომ თითქოს ხარვეზის გამოსწორება შპს-ის სხვა პარტნიორებს არ უნდოდა. ამ ტყუილის გასაქარწყლებლად ს.ჯორბენაძემ, კ.ხარატიშვილმა და უ.ბურჭულაზემ გამოასწორეს ხარვეზი და დეტალურად შეასრულეს ის პირობა, რომელსაც ხელი მოეწერა აღსრულების სამსახურში.

ამხანაგობის კრებაზე სანდრო ჯორბენაძემ უველას მოუწოდა ძველი წყენის დავიწყებისკენ და აქტიური თანამშრომლობისკენ მშენებლობის განახლებისათვის.

მიუხედავად იმისა, რომ თითქმის ყველა დაეთანხმა ამ მოწოდებას,  ამხაბაგობა „ბაგები 502-ის“ ზოგიერთი წევრი მაინც კონფრონტაციისკენ და მშენებლობის დაწყების წინააღმდეგ მოქმედებს.

ამხაბაგობა „ბაგები 502-ის“ გამგეობამ, პირადად ს.ჯორბენაძემ ერთი წლის მანძილზე აგროვეს ის პრეტენზიები (ვალები და სხვ.), რაც დარჩა „ბაგები 504-ს“. დაახლოებით 6 თვის წინ გამგეობამ კიდევ ერთხელ მიმართა ყველას, სხვა ვალებისა და ვალდებულებების არსებობის შესახებ. საბედნიეროდ მეტი აღარ დამატებულა, თუმცა რამდენიმე დღის წინ ხ.რუხაიამ განაცხადა, რომ არსებობს „ბაგები 504-ის“ კიდევ 450 000 $ ვალი.

მივმართავთ ყველას, მათ შორის პრეტენზიის განმცხადებელ ხ.რუხაიას, უმოკლეს ვადაში წარმოადგენილი იქნეს ამ და სხვა ვალის დამადასტურებელი დოკუმენტები. წინააღმდეგ შემთხვევაში ამ თანხის თაობაზე ინვესტორებთან მოლაპარაკება არ იწარმოებს.

დიდი მადლობა გვინდა გადავუხადოთ  ამხაბაგობა „ბაგები 502-ის“ იმ წევრებს, რომლებიც ესწრებოდნენ 10 მაისის კრებას, რადგან კრება ასე მშვიდად და საქმიანად რამდენი წელია არ ჩატარებულა.

ამხაბაგობა „ბაგები 502-ის“ გამგეობა